Qazaqstan Prezıdenti Qasym-Jomart Toqaev XVIII BRIKS samıti aıasynda Abý-Dabı murager hanzadasy sheıh Haled ben Muhammed ben Zaıd ál-Nahaıanmen kezdesti. Bul týraly memleket basshysynyń baspasóz qyzmeti habarlady, dep jazady infohub.kz.
Qasym-Jomart Toqaev sheıh Haled ben Muhammed ben Zaıd ál-Nahaıannyń Astanaǵa saparynyń tarıhı mańyzyn atap ótti: onyń aıasynda ekijaqty qatynastardy damytýǵa qýatty serpin beretin aýqymdy qujattar paketine qol qoıyldy.
«Bizdiń yntymaqtastyǵymyz shynymen de kóp qyrly sıpatta jáne keń aýqymdy baǵyttardy qamtıdy. Biz birlesken jumysty jalǵastyrý jáne odan ári damytý úshin budan bylaı da barlyq kúsh-jigerdi jumsaımyz», – dedi Qazaqstan Prezıdenti.
Taraptar energetıka, kólik jáne logıstıka, aqparattyq tehnologıalar jáne aýyl sharýashylyǵy salalarynda tabysty júzege asyrylyp jatqan birqatar iri ınvestısıalyq jobalardyń oryndalý barysyn talqylady. Bul jobalar ekonomıkalyq ózara is-qımyldy damytýǵa jáne ekijaqty saýda kólemin ulǵaıtýǵa yqpal etetini atap ótildi.
Kezdesý qorytyndysy boıynsha eki el arasyndaǵy tyǵyz yntymaqtastyqty nyǵaıtýǵa ózara beıildilik rastaldy.
Qasym-Jomart Toqaev Birikken Arab Ámirlikteriniń Prezıdenti sheıh Muhammed ben Zaıd ál-Nahaıanǵa eń jaqsy tilekterin jetkizip, onyń Qazaqstanǵa saparyn asyǵa kútetinin aıtty.
Buǵan deıin «Kýrsıv» Toqaevtyń XVIII BRIKS samıtine qatysý úshin Nú-Delıge kelgenin jazǵan bolatyn.