Qazaqstan Prezıdenti Qasym-Jomart Toqaev Bavarıa landtagynyń tóraǵasy Ilze Aıgnermen kezdesti. Kezdesý barysynda Memleket basshysy Berlınde Germanıanyń joǵary basshylyǵymen ótken kelissózderdiń sátti ári nátıjeli bolǵanyn atap ótti, dep habarlaıdy infohub.kz saıty.
Qazaqstan Prezıdenti Bavarıanyń qazaq-german qatynastaryn nyǵaıtýǵa qosqan úlesine joǵary baǵa berdi.
«Bavarıa Qazaqstanmen saýdany ilgeriletýde jáne baılanystardy damytýda asa mańyzdy ról atqarady. Biz úshin Germanıa — erekshe seriktes. Germanıa Qazaqstannyń Eýropadaǵy jáne odan tys jerlerdegi strategıalyq seriktesi dep senemiz, óıtkeni sizderdiń yqpaldaryńyz, rólderińiz ben jetistikterińiz Eýropanyń sheńberinen áldeqaıda asyp túsedi. Sizder álemdegi úshinshi ekonomıkasyzdar», – dedi Qasym-Jomart Toqaev.
Áńgime barysynda parlamentaralyq ózara is-qımyl máseleleri, sondaı-aq mádenı-gýmanıtarlyq baılanystardy nyǵaıtý perspektıvalary qozǵaldy.
Ilze Aıgner Memleket basshysyna Bavarıa landtagyna ýaqyt bólip kelgeni úshin alǵys aıtyp, onyń saparynyń baǵdarlamasynyń tyǵyzdyǵyn erekshe atap ótti.
Landtag tóraǵasynyń aıtýynsha, Bavarıada Qazaqstanmen saýda-ekonomıkalyq, kóliktik jáne ınvestısıalyq baılanystardy nyǵaıtý múmkindikteri muqıat zerdelenýde.
Kezdesý qorytyndysy boıynsha Qazaqstan men Bavarıa arasyndaǵy mazmundy dıalogty keńeıtýge ózara múddelilik rastaldy.