Shanhaıda ótetin Jasandy ıntellekt boıynsha dúnıejúzilik konferensıa qarsańynda Qazaqstan Prezıdenti Qasym-Jomart Toqaev Qytaıdyń tehnologıalyq sektorynyń jetekshilerimen kezdesti. Memleket basshysynyń basty usynysy — Ekıbastýzdy Data Center Valley jobasy arqyly Ortalyq Azıanyń tehnologıalyq júregine aınaldyrý, dep habarlaıdy infohub.kz.
Toqaevtyń aıtýynsha, Qazaqstan jaı server qoımasyn emes, tolyqqandy jasandy ıntellekt ekojúıesin qurýda. Ekıbastýzdyń tańdalýyna ondaǵy arzan ári turaqty elektr energıasy sebep boldy. Bul energıany kóp qajet etetin jasandy ıntellekt ınfraqurylymy úshin óte mańyzdy.
Qytaılyq ınvestorlarǵa daıyn paket usynyldy. Onyń quramyna ınfraqurylymy tolyq jabdyqtalǵan derekter ortalyqtaryna arnalǵan alańdar, arnaıy ınvestısıalyq jáne salyqtyq rejım, sondaı-aq sýperkompúter qýattary men jasandy ıntellekt zerthanalaryna qoljetimdilik kiredi.
Prezıdent Ekıbastýzdaǵy joba energıa óndirý men bultty esepteýlerden bastap qazaqstandyq startaptar, ǵylymı ortalyqtar jáne IT-qyzmetterdi eksporttaýǵa deıingi barlyǵyn bir tizbekke biriktirýi kerektigin atap ótti.