Qazaqstan Prezıdenti Qasym-Jomart Toqaev Germanıada buqaralyq aqparat quraldaryna bergen brıfıńinde buǵan deıin Ombyda Reseı men Ýkraına arasyndaǵy qaqtyǵysty toqtatý qajettigi týraly aıtqan málimdemesine qatysty túsinik berdi, dep habarlaıdy infohub.kz saıty.
Memleket basshysy nemis jýrnalıseriniń suraǵyna jaýap bere otyryp, Qazaqstan Birikken Ulttar Uıymy Jarǵysynyń erejelerin ustanýdy árdaıym jalǵastyratynyn jáne dıplomatıalyq kelissózderdi bastaýdy jaqtaıtynyn taǵy da atap ótti.
«…Árıne, bárimiz Ýkraınada bolyp jatqan jaǵdaıǵa alańdaımyz. Basynan bastap Qazaqstan Birikken Ulttar Uıymy Jarǵysynyń erejelerin ustanatynyn aıttym. Biz barlyq memleketterdiń aýmaqtyq tutastyǵy prınsıpin qurmetteýge jáne saqtaýǵa talap qoıamyz. Biz basynan bastap ýkraın halqyn, onyń tarıhyn, mádenıetin, dástúrlerin jáne, árıne, ýkraın tilin zor qurmetteıtinimizdi aıttyq. Men soǵysty dereý toqtatý kerek dep aıtqan joqpyn. Qazirgi jaǵdaıda bul shynaıy bolmas edi dep túsinemin. Men Ýkraına aýmaǵyndaǵy áskerı qımyldardy toqtata turý týraly aıtyp otyrmyn, ol dıplomatıalyq nemese kez kelgen basqa kelissózder prosesine kóshý úshin qajet», – dedi Qasym-Jomart Toqaev.
Buǵan deıin «Kýrsıv» Toqaev Qazaqstannyń Germanıamen qarym-qatynasyndaǵy qýatty serpilis týraly málimdegenin jazǵan bolatyn.
Sonymen qatar «Kýrsıv» Toqaev Germanıa kansleri Frıdrıh Mersti respýblıkaǵa memlekettik saparmen kelýge shaqyrǵanyn jazdy.
Sondaı-aq Toqaev pen Germanıa prezıdenti Frank-Valter Shtaınmaıer keńeıtilgen quramda kelissózder júrgizdi. 2025 jyly elder arasyndaǵy taýar aınalymy $4,5 mlrd-qa jetti, al 20 jyl ishinde Qazaqstanǵa nemis ınvestısıalarynyń jıyntyq aǵyny $8 mlrd boldy. Kezdesý qorytyndysy boıynsha prezıdentter birlesken deklarasıa qabyldady, al Shtaınmaıer «Altyn Qyran» ordenimen marapattaldy.