Qazaqstan Prezıdenti Qasym-Jomart Toqaev pen Oman sultany Haısam ben Tarıq Ál Saıd Astana áýejaıynyń kelý zalynda qysqasha áńgimelesti, dep habarlaıdy Aqordanyń baspasóz qyzmeti. Memleket basshysy omandyq kóshbasshynyń saparyn ekijaqty qatynastar úshin tarıhı dep atap, elder arasyndaǵy seriktestiktiń zor áleýetin atap ótti, dep jazady infohub.kz saıty.
«Oman ekonomıkalyq damýda aıtarlyqtaı jetistikterge qol jetkizgen tabysty memleket retinde, sondaı-aq halyqaralyq deldal retinde belsendi jáne syndarly ról atqaratyn el retinde keńinen tanymal. Sizdiń elińiz óz aımaǵynda ǵana emes, odan tys jerlerde de, sonyń ishinde Qazaqstanda da laıyqty bedelge ıe. Bizdiń elder arasyndaǵy seriktestiktiń zor áleýeti bar ekenine senimdimin, ony tolyq ashý jáne tıimdi júzege asyrý qajet», — dedi Toqaev.
Óz kezeginde Oman sultany Qazaqstan Prezıdentine jyly qabyldaýy úshin alǵys aıtyp, aldaǵy kelissózder mazmundy ári tabysty bolatynyna senim bildirdi.
Memlekettik sapar baǵdarlamasy joǵary deńgeıdegi kelissózderdi, birqatar qujatqa qol qoıýdy jáne eki el kóshbasshylarynyń qazaqstan-oman bıznes-forýmyna qatysýyn qamtıdy.
Buǵan deıin Qasym-Jomart Toqaev Oman sultanyn elorda áýejaıynda jeke qarsy alǵan bolatyn. Qazaqstan shekarasyn kesip ótken sátten Astanaǵa deıin qonaqtyń ushaǵyn qazaqstandyq ıstrebıtelder súıemeldedi. Ushý alańynda qurmet qaraýyly men prezıdenttik orkestr sap túzedi.