Qazaqstan Prezıdenti Qasym-Jomart Toqaev «Ortalyq Azıa – Koreıa Respýblıkasy» bıznes-sammıtinde sóz sóılep, koreı kompanıalaryna Eýrazıa naryǵyna baǵyttalǵan ónimdi birlesip shyǵarýdy usyndy, dep habarlaıdy infohub.kz saıty.
Memleket basshysy sóziniń bir bóligin aýyl sharýashylyǵyna arnady. Toqaevtyń aıtýynsha, byltyr Qazaqstan rekordtyq kólemde astyq jınady — shamamen 27 mln tonna.
Prezıdent respýblıka agroónerkásip ónimderin álemniń 70-ten astam eline eksporttaıtynyn eske saldy.
«Qazaqstannyń jer resýrstary mol, al Koreıa — tıimdi ári tehnologıalyq aýyl sharýashylyǵy salasynda tanylǵan kóshbasshy», — dedi ol.
Sonymen qatar memleket basshysy eki eldiń kúshin biriktirip, ónim óndirýge, tereń óńdeýge jáne syrtqy naryqqa eksporttaýǵa baǵyttalǵan birlesken taǵam ónerkásibi klasterin qurýdy usyndy.
«Qazaqstan koreı kompanıalaryna tek syıymdy naryq qana emes, óndiris ornalastyrýǵa, tehnologıa engizýge jáne Eýrazıa qurlyǵynyń naryqtaryna shyǵýǵa keń múmkindikter usynady», — dep qosty prezıdent.
Qazaqstandyq kóshbasshynyń pikirinshe, bul koreı bıznesine jańa perspektıvalar ashyp, búkil aımaqqa naqty áser beredi.
Buǵan deıin «Kýrsıv» Toqaevtyń Koreıaǵa Ortalyq Azıamen jumystyń jańa formýlasyn usynǵanyn jazǵan bolatyn.