Qazaqstan Prezıdenti Qasym-Jomart Toqaev eldiń ulttyq quramasyn VI Dúnıejúzilik kóshpendiler oıyndaryndaǵy tabysty ónerimen quttyqtady. Bul týraly Qazaqstan Respýblıkasy Prezıdentiniń keńesshisi – baspasóz hatshysy Aıbek Smadıarov habarlady, dep jazady infohub.kz saıty.
Memleket basshysy bul jetistik qazaqstandyq sportshylardyń joǵary jigeriniń, eńbekqorlyǵynyń jáne temirdeı qaısarlyǵynyń arqasynda múmkin bolǵanyn atap ótti.
«Memleket basshysy chempıondar men júldegerlerge, jattyqtyrýshylar shtabyna jáne ulttyq sport túrleri damyǵan el retinde Qazaqstannyń halyqaralyq bedelin nyǵaıtýǵa úles qosqan barlyq mamandarǵa alǵys bildirdi. Qasym-Jomart Toqaev sportshylarymyzǵa eń bedeldi jarystarda jańa jarqyn jeńister tiledi», — delingen habarlamada.