Qazaqstanda mádenıet qaıratkerlerine arnalǵan jańa memlekettik nagradalar paıda bolady. Tıisti sheshimdi prezıdent Qasym-Jomart Toqaev qabyldady, dep habarlaıdy infohub.kz saıty.
Memleket basshysy memlekettik nagradalar tizimine «Shámshi Qaldaıaqov» medali men «Qazaqstannyń eńbek sińirgen sýretshisi» qurmetti ataǵyn qosty. Bul týraly prezıdenttiń keńesshisi — baspasóz hatshysy Áıbek Smadıarov óziniń Telegram-arnasynda málimdedi.
«Mádenıet pen óner — bizdiń ulttyq bolmysymyzdyń berik tiregi», — dep jazdy Áıbek Smadıarov.
Ol sondaı-aq Jańa Konstıtýsıada ulttyq mádenıetti qoldaý eń joǵary quqyqtyq deńgeıde bekitilgenin atap ótti. «Sondyqtan Jańa Konstıtýsıada ulttyq mádenıetti jan-jaqty qoldaý memlekettiń irgeli qaǵıdaty retinde eń joǵary quqyqtyq deńgeıde bekitilgen», — delingen baspasóz hatshysynyń jarıalanymynda.
Jańa nagradalar ulttyq mádenıettiń damýyna úlken úles qosqan qazaqstandyqtarǵa arnalǵan. «Bul qurmetti nagradalar ulttyq mádenıettiń, onyń ishinde mýzyka men beıneleý óneriniń damýyna úlken úles qosqan azamattarǵa beriletin bolady», — dep atap ótti Áıbek Smadıarov.