Qazaqstan Prezıdenti Qasym-Jomart Toqaev jańa memlekettik nagradalardy bekitti: «Shámshi Qaldaıaqov» medali jáne «Qazaqstannyń eńbek sińirgen sýretshisi» qurmetti ataǵy. Olar mádenıetti damytýǵa qosqan erekshe úlesi úshin beriletin bolady, dep habarlaıdy infohub.kz saıty.
Memleket basshysynyń baspasóz hatshysy Aıbek Smadıarov atap ótkendeı, mádenıet pen óner — ulttyq biregeıliktiń myzǵymas tiregi. Jańa Konstıtýsıada ulttyq mádenıetti jan-jaqty qoldaý memlekettiń irgeli qaǵıdaty retinde eń joǵary quqyqtyq deńgeıde bekitilgen.
«Osyǵan baılanysty Qazaqstan Respýblıkasynyń Prezıdenti Qasym-Jomart Toqaev memlekettik nagradalar tizimine «Shámshi Qaldaıaqov» medali men «Qazaqstannyń eńbek sińirgen sýretshisi» qurmetti ataǵyn engizý týraly sheshim qabyldady», — dedi Smadıarov.
Jańa nagradalar ulttyq mádenıettiń, onyń ishinde mýzyka men beıneleý óneriniń damýyna eleýli úles qosqan qazaqstandyqtarǵa beriletin bolady.
Buǵan deıin kórnekti kompozıtor Shámshi Qaldaıaqovtyń týǵan kúninde Astanadaǵy dóńgelek sholý alańynda onyń beınesi paıda bolǵany habarlanǵan bolatyn. Eske salaıyq, 15 tamyzda elordada kompozıtordyń týǵan kúni keńinen atalyp ótip, qalanyń ár túkpirinde onyń ómiri men shyǵarmashylyǵyna arnalǵan mýzykalyq aksıalar, performanstar men blıs-suraqtar ótti.