Qazaqstan Prezıdenti Qasym-Jomart Toqaev Halyqaralyq orys tili uıymynyń bas hatshysy Natalá Bocharovamen kezdesti, dep habarlaıdy infohub.kz saıty.
Aqordanyń málimetinshe, memleket basshysy uıymnyń zamanaýı, bedeldi ári tıimdi jumys isteıtin qurylym retinde qalyptasýynyń prınsıpti mańyzdylyǵyn atap ótti. Ol gýmanıtarlyq baılanystardy nyǵaıtýǵa baǵyttalǵan.
Áńgime barysynda bilim, ǵylym jáne mádenıet salalaryndaǵy yntymaqtastyq perspektıvalary talqylandy. Prezıdenttiń aıtýynsha, birlesken jobalardy júzege asyrý kezinde barlyq qatysýshy memleketterdiń múddelerin teńgerimdi eskerý mańyzdy.
Qasym-Jomart Toqaev sondaı-aq til adamdardy biriktirip, ózara túsinistikke qyzmet etýi kerek, ol saıasılandyrý nysanyna aınalmaýy tıis ekenin málimdedi.
Óz kezeginde Natalá Bocharova memleket basshysyna uıym qyzmetin qoldaǵany úshin alǵys aıtyp, ony odan ári damytý josparlary týraly habarlady.