Qazaqstan Prezıdenti Qasym-Jomart Toqaev Germanıa Federaldyq prezıdenti Frank-Valter Shtaınmaıerge jáne Federaldyq kansler Frıdrıh Merske Germanıa birligi kúnine oraı quttyqtaý jedelhattaryn joldady, dep habarlaıdy infohub.kz saıty.
NUR.KZ agenttiginiń Aqordaǵa silteme jasap habarlaýynsha, Memleket basshysy bul aıtýly kún Germanıanyń tózimdiligi men jasampaz kúshin, onyń progres pen órkendeý jolyndaǵy senimdi qadamyn beıneleıtinin atap ótti.
Prezıdent sondaı-aq Germanıaǵa jaqynda jasaǵan resmı sapary barysynda kórsetilgen jyly qabyldaý men qonaqjaılylyq úshin shynaıy rızashylyǵyn bildirip, ótken kelissózderdiń mazmundy sıpatyn joǵary baǵalady.
Qasym-Jomart Toqaev Berlınde qol jetkizilgen ýaǵdalastyqtar qazaq-german strategıalyq áriptestigin tereńdetýge jáne basym salalarda birlesken jobalardy júzege asyrýǵa jańa múmkindikter ashatynyn atap ótti.
Ol Frank-Valter Shtaınmaıer men Frıdrıh Merske jaýapty memlekettik qyzmetterinde tabys, al Germanıanyń baýyrlas halqyna amandyq pen odan ári órkendeý tiledi.
Eske salaıyq, osy aptada Qasym-Jomart Toqaev Federaldyq prezıdent Frank-Valter Shtaınmaıerdiń shaqyrýymen Germanıaǵa resmı saparmen bardy. Sapar aıasynda Berlınde Germanıa Federaldyq prezıdenti Frank-Valter Shtaınmaıermen jáne Federaldyq kansler Frıdrıh Merspen kelissózder ótti.
Onda Bavarıa premer-mınıstri Markýs Zeder Qasym-Jomart Toqaevqa oıynshylardyń qoltańbalary qoıylǵan Múnhen fýtbol komandasynyń atyna jazylǵan fýtbolkasyn syılady.