Qazaqstan Prezıdenti Qasym-Jomart Toqaev «Taza Qazaqstan» respýblıkalyq aksıasyna qatysýshylarǵa úndeý jasap, tabıǵatqa uqypty qaraý, ózara qurmet jáne belgilengen erejelerdi saqtaý azamattardyń kúndelikti ómiriniń ajyramas bóligine aınalýy tıis ekenin málimdedi. Bul týraly infohub.kz saıty habarlaıdy.
«Onyń ústine bul — konstıtýsıalyq mindet», — dep atap ótti Memleket basshysy qorshaǵan ortaǵa uqypty qaraý jóninde aıta kelip.
Toqaevtyń aıtýynsha, jaqynda Astana men Almatyǵa kelgen amerıkandyq kongresmender kóshelerdiń tazalyǵy men qala ákimdikteriniń jumysyna oń baǵa bergen. Prezıdent sondaı-aq sheteldik týrıser Qazaqstannyń iri qalalarynyń kútimi týraly áleýmettik jelilerde beınejazbalar jarıalap jatqanyn atap ótti.
Ol abattandyrylǵan ári qaýipsiz qoǵamdyq keńistikter eldiń sheteldegi ımıjine áser etetinin aıtty. Sonymen qatar Toqaev mundaı jumystyń basty maqsaty — qazaqstandyqtardyń ózderiniń ómir súrý jaǵdaıyn jaqsartý ekenin atap kórsetti.
«Biz ımıj úshin emes, azamattarymyzdyń áleýmettik jaǵdaıyn jaqsartý úshin jumys isteýge mindettimiz. Bul — basty maqsat», — dedi Prezıdent.
Buǵan deıin «Kýrsıv» jazǵandaı, Toqaev tazalyqtyń ulttyq standartyn ázirleýdi usynyp, ákimderge qalalyq orta jobalaryn ázirleý kezinde turǵyndardyń usynystaryn eskeretin astanalyq Ýrbanıstıka ortalyǵynyń tájirıbesin zerdeleýdi tapsyrǵan bolatyn.