Qazaqstan Prezıdenti Qasym-Jomart Toqaev Tıbet avtonomıalyq aýdanyndaǵy qatty selderdiń qaıǵyly saldaryna baılanysty QHR tóraǵasy Sı Szınpınge kóńil aıtý jedelhatyn joldady, dep habarlaıdy infohub.kz saıty.
Memleket basshysy qaza tapqandardyń týǵan-týystary men jaqyndaryna kóńil aıtyp, qoldaý bildirip, habarsyz ketken azamattardyń otbasylarymen tezirek qaýyshýyna úmit bildirdi.
Eske salaıyq, keshe Qytaı men Nepal arasyndaǵy shekara ótkeliniń mańynda kóshkin júrgeni belgili boldy. Sı Szınpın zardap shekkenderdi qutqarýǵa bar kúsh-jigerdi jumsaýdy tapsyrdy.
Búgin tańerteń tabıǵı apat qurbandarynyń sany 160 adamnan asty. Sondaı-aq Nepal men Qytaı bıligi birneshe eldiń azamattarynyń habarsyz ketkenin habarlady. Qazaqstan Syrtqy ister mınıstrligi qurbandar arasynda Qazaqstan azamatshasy bolýy múmkin ekenin málimdedi. Bizdiń eldiń týrısi Qytaıdan Nepalǵa týrısik top quramynda shekaradan ótken.