Qazaqstan Halyq Keńesiniń birinshi sesıasynda Prezıdent Qasym-Jomart Toqaev respýblıkalyq qoǵamdyq birlestikterdiń keıbireýi qaǵaz júzinde ǵana ómir súrip jatqanyn aıtty, dep habarlaıdy infohub.kz saıty.
«Maǵan birqatar respýblıkalyq qoǵamdyq birlestikterdiń qaǵaz betinde ǵana bar ekeni, tek jarqyraǵan «vyveskalary» bar, al shyn máninde «Roga ı kopyta» keńseleri ekeni habarlandy. Mundaı qurylymdar azamattardyń múddesin qorǵaý úshin emes, eń jaqsy jaǵdaıda — mansaptyq maqsatta qurylǵany anyq. İs alaıaqtyq sqemalarǵa deıin jetti. Buǵan jol berýge bolmaıdy, sondyqtan mundaı derekter quqyq qorǵaý organdarynyń qaraýyna berilip otyr», — dedi Qasym-Jomart Toqaev.
Memleket basshysy tek memlekettik tapsyrysty ıgerý úshin qurylatyn uıymdarǵa tosqaýyl qoıý qajet ekenin qosty.
«Elde kóptegen konsýltatıvtik-keńesshi organdar jumys isteıdi, biraq olardyń jumysy jıi bytyrańqy, al fýnksıalary qaıtalanady. Halyq Keńesi olardyń úılestirýin qamtamasyz etip, saraptamalyq áleýetti biriktirip, barlyq usynystardy júıeleýi kerek», — dep tolyqtyrdy Toqaev.