Qazaqstan Halyq Keńesiniń birinshi sesıasynda Prezıdent Qasym-Jomart Toqaev elimizdiń azamattary kúńirenip, tarıhtan kináli izdeýge salynbaýy kerektigin aıtty, dep habarlaıdy infohub.kz saıty.
«Tarıhty durys túsiný — eń mańyzdy qabiletterdiń biri. Ótkenge ókpeleý — bolashaqtan aıyrylýmen teń. Aınalasynan únemi kináli izdep, óz sátsizdikterine syltaý tabýǵa tyrysatyn adamdy ne búkil halyqty qandaı bolashaq kútip tur? Mundaı eskirgen ádetterden arylý qajet. Kúndelikti ómirde de kúńirenbeı, rýh sergektigin jáne ózine degen senimdi saqtaý kerek. Ósip kele jatqan urpaqty júreksizdikten, bárinen kináli izdeý beıimdiliginen jáne shamadan tys úreılenýden saqtaýymyz kerek. Olar óz halqynyń tarıhymen maqtanyp, elimizdiń bolashaǵyna senimmen qaraýy tıis», — dedi Qasym-Jomart Toqaev.
Ol jazýshy Muhtar Áýezovtiń «Myqty memleket qurǵyń kelse — bala tárbıesinen basta» degen sózin eske salyp, «Adal azamat» tárbıe baǵdarlamasynyń júzege asyrylyp jatqanyn atap ótti.
«Qazaq halqynyń basynan nebir aýyr synaqtar ótti, biraq olar onyń rýh qýatyn, tózimdiligin, qaısarlyǵyn jáne ómirge degen qulshynysyn syndyra almady. Biz ata-baba dástúrin, dinimizdi, ana tilimizdi jáne ózindik bolmysymyzdy saqtaı otyryp, jańashyldyq pen jasampazdyqqa umtylýymyz kerek. Búkil halqymyzǵa kóleńke túsiretin jat aǵymdardy, sondaı-aq qarańǵylyq pen nadandyqtan basqa eshteńe ákelmeıtin eskirgen túsinikterdi batyl toqtatý qajet. Bizge ult retinde uıysyp, qoǵamda jańa etıka qalyptastyrý qajet. Sizder — Qazaqstan Halyq Keńesiniń músheleri — osy asa mańyzdy mindetti oryndaýǵa salmaqty úles qosasyzdar dep senemin», — dep qosty Toqaev.