Qazaqstan Prezıdenti Qasym-Jomart Toqaev Ispanıa Koroli Felıpe VI-ǵa ulttyq quramanyń 2026 jylǵy fýtboldan álem chempıonatyndaǵy jeńisine jáne ekinshi ret álem chempıony atanýyna baılanysty quttyqtaý jedelhatyn joldady, dep habarlaıdy infohub.kz saıty.
Memleket basshysy jedelhatta joǵary sheberlik deńgeıin, úılesimdi komandalyq oıyndy jáne jeńiske degen umtylysty atap ótip, bul mıllıondaǵan jankúıerdiń súısinýine sebep bolǵanyn aıtty. Ol sondaı-aq Ispanıanyń fýtbol salasyndaǵy ozyq tájirıbesi basqa elderge úlgi bola alatynyn erekshe atap ótti. Sonymen qatar Prezıdent bıyl Qazaqstanda «Atletıko Madrıd» klýbynyń Akademıasy ashylǵanyn eske salyp, bul bastama halyqtar arasyndaǵy dostyq pen kópqyrly yntymaqtastyqty nyǵaıtýǵa, sondaı-aq jastar arasyndaǵy baılanystardy damytýǵa kúshti serpin beretinine senim bildirdi. Toqaev Kоrólge onyń jasampaz bastamalarynda tabys, al dostyq Ispanıa halqyna ıgilik pen órkendeý tiledi.
Eske sala keteıik, Nú-Djersıdegi «MetLaıf» stadıonynda ótken álem chempıonatynyń fınalynda Ispanıa quramasy Argentınany qosymsha ýaqytta 1:0 esebimen jeńdi.