«Bezýmnyı Maks» jáne «Temnyı rysar: Vozrojdenıe legendy» fılmderindegi rólderimen tanymal akter Tom Hardı jankúıerlerin tańǵaldyryp, Czarface hıp-hop tobymen birge jazǵan rep-albomyn usyndy. Ol Frankie Pulitzer búrkenshik atymen «Czarface Meets Frankie Pulitzer» atty plasınkasyn shyǵardy, dep habarlaıdy infohub.kz.
Hardıdiń repke áýesqoılyǵy burynnan belgili bolǵan: ol 14-15 jasynan rep oqı bastaǵan jáne osy jyldar ishinde jarıalamaǵan kóptegen jazbalaryn jınaqtaǵan. Endi osyndaı jobalardyń biri jaryqqa shyqty.
Juma kúni «Czarface Meets Frankie Pulitzer» álbomy jaryq kórdi, oǵan andegraýnd-top Czarface músheleri — 7L, Esoteric jáne Wu-Tang Clan-nan Inspectah Deck qatysty. Hardı jaı ǵana qatysyp qoımaı, ánderde komıksterge, kınoǵa jáne ádebıetke siltemeler jasap, rep oqıdy. Mátinderde Jasyl goblın, Tor, Doktor Dým, Stıven Kıng jáne Shekspır eske alynady.
Mysaly, «Raw Forever» kompozısıasynda akter Jasyl goblın men Marvel fılmderinde Norman Ozborndy oınaǵan Ýıllem Defony eske alady. Al «Grim-Visaged War» treginde Hardı Shekspırdiń «Rıchard III» pesasynan monolog oqıdy, onyń daýysy «Temnyı rysar: Vozrojdenıe legendy» fılmindegi Beın keıipkerin eske túsiredi.
Álbom jazbasyna Busta Rhymes pen Method Man da qatysty. Hardı úshin rep — kezdeısoq áýesqoılyq emes: 2011 jyly BBC-ge bergen suhbatynda ol kóptegen kompozısıalar jazǵanyn, biraq jarıalamaǵanyn aıtqan. Sonda akter mýzyka onyń ómirinde árqashan mańyzdy oryn alǵanyn, degenmen ony kásibı túrde jasaý ońaı bolmaǵanyn moıyndaǵan.
Buǵan deıin Kursiv LifeStyle Tom Hardıdiń kıno salasyndaǵy mansabyn ýaqytsha toqtatýy múmkin ekenin habarlaǵan.