Toqaev Bishkektegi ákesiniń esimimen atalatyn mektepke bardy
Memleket basshysy Qyrǵyzstan astanasyndaǵy kórnekti oryndarǵa barýyn búgin de jalǵastyrdy. Ol jazýshy, soǵys ardageri, ákesi Kemel Toqaevtyń esimimen atalatyn № 33 mektep-gımnazıaǵa da taban tiredi, dep habarlaıdy Infohub.kz.
Bıyl 13 mamyrda Bishkek qalasyndaǵy №33 mektep-gımnazıasyna qazaq jazýshysy jáne Qazaqstan prezıdenti Qasym-Jomart Toqaevtyń ákesi Kemel Toqaevtyń esimi berildi. Bul týraly Qyrǵyzstan prezıdentiniń baspasóz hatshysy Asqat Alagózov aıtty. Onyń aıtýynsha, bul bastamany Qyrǵyzstan prezıdenti Sadyr Japarov kótergen. Japarov bul sheshimi týraly Qasym-Jomart Toqaevpen Reseıde kezdesken kezinde aıtqan.
«Uly Otan soǵysy jyldarynda Kemel Toqaev Frýnze jaıaý ásker ýchılıshesinde oqyǵan. Al ol oqý orny sol jyldary qazirgi №33 mekteptiń ǵımaratynda ornalasqan. Dál osy jerden ol maıdanǵa shaqyrylǵan», dep habarlaǵan qyrǵyz bıligi.