Mańǵystaý oblysy, Munaıly aýdany
Qyzyl - tóbe eldi mekeni, №2 orta mektebi
Tehnologıa pániniń muǵalimi
Ýtegenova Jıbek Janalıevna

Sabaqtyń taqyryby: «Toqyma aıqaspanyń túrleri»
Sabaqtyń maqsaty: Oqýshylardy bilimdilik, biliktilik is - tájirıbesimen ushtastyra otyryp, tolyq maǵlumat berý.
Damytýshylyǵy: jeke tapsyrmalardy oryndaý barysynda tehnologıanyń retin, talaptaryn oryndaý, oqýshylar shyǵarmashylyǵyn damytý.
Tárbıeligi: jańashyldyqqa, ádemilikke, dastarqandy ázirleýge, toqyma aıqaspa túrleri ereksheligimen, uqyptylyqpen, tazalyqpen, jaýapkershilikpen qaraýǵa baýlý.

Sabaqtyń túri: aralas
Sabaqtyń ádisi: synı turǵyda oılaý, yntymaqtastyqta oqytý, túsindirmeli suraq - jaýap.
Sabaqtyń kórnekiligi: tirek - syzbalar, sýret, jýrnaldar, qural - jabdyqtary, t. b.
Pánaralyq baılanys: syzý, beıneleý, tarıh, ádebıet, algebra, geometrıa.

Sabaqtyń barysy:
Uıymdastyrý kezeńi
Jańa sabaq
Sabaqty bekitý
Úıge tapsyrma

1. Uıymdastyrý kezeńi
- Oqýshylarmen sálemdesý.
- Sabaqqa qatynasyn anyqtaý.

2. Mata negizgi jip pen arqaý jiptiń aıqasýynan toqylatynyn bilesińder. Ár matanyń aıqasý joldary túrlishe. Toqyma aıqaspalarynyń eń jaı túri: kezdeme, sarja, sátendik aıqaspalar.
Kezdemelik aıqaspada negizgi jip jáne arqaý jipteri jıi aıqasady. Mundaı aıqaspa túrlerimen maqta, zyǵyr, jibek matalar toqylady. Bul matalar az sozylady, jibi onsha setinemeıdi. Sondyqtan bul matalardan kıim pishý óte yńǵaıly. Sarjalyq aıqaspada negizgi jip eki arqaý jipti basyp, bir jipti ótkize otyryp toqylady. Mundaı matalar kezdemelik aıqasýǵa qaraǵanda ózgeshe bolady, onyń ereksheligi mata betinde qıǵash bederimen kórinip turady. Sarja matasy anaǵurlym tyǵyz, qalyń ári salmaqty bolady. Kashemır, shotland, bámázı, flanel, sarja matalar, sarjalyq aıqaspamen toqylady. Sarjalyq aıqaspamen toqylǵan matalar jumsaq, ońaı qyrtystalady, ońaı, kóbinese, jeńil kıimder daıyndaıdy. Mata sozylǵysh ári tez setinegish keledi. Sátendik jáne kezdemelik aıqaspalarda negizgi jip pen arqaý jipterdiń aıqasýlary sırek bolady. Sátendik aıqaspada arqaý jip tórt nemese odan da kóp negizgi jipti qamtı aıqasady. Al, atlastaǵy aıqaspada, kerisinshe, negizgi jip tórt nemese odan artyq arqaý jipterdi qamtı aıqasady. Sátendik aıqaspamen sáten jáne drap, atlastyń aıqaspamen atlas, krep - sáten, astarlyq sáten materıaldary qoldanylady.

Sabaqty bekitý. Toqyma aıqaspalardyń túrleri jóninde neni úırendińder?
Úıge tapsyrma: Oqyp kelý, úırený.