Qazaqstandyq boksshy Tórehan Sabyrhan 2026 jylǵy jazǵy Azıa oıyndarynda 70 kelige deıingi salmaq dárejesindegi fınaldyq jekpe-jekte jeńiske jetip, altyn medal ıelendi, dep habarlaıdy infohub.kz saıty.
2 qazanda Japonıanyń Aıtı jáne Nagoıa qalalarynda boks týrnıriniń fınaldyq jekpe-jekteri bastaldy. Qazaqstan ulttyq quramasynyń ókili Tórehan Sabyrhan rıngke Iordanıa sportshysy Zeıad Ishaıshaǵa qarsy shyqty. Otandyq boksshy tóreshilerdiń biraýyzdan sheshimimen 5:0 esebimen jeńiske jetti. Sonymen qatar ekinshi jáne úshinshi raýndtarda tóreshiler Ishaıshadan bir-bir upaıdan alyp tastady.
Osylaısha, Tórehan Sabyrhan Qazaqstan boks quramasyna aǵymdaǵy Azıada-2026 oıyndaryndaǵy alǵashqy altyndy áperdi.
Aıta keteıik, 20 jastaǵy Sabyrhan — 2025 jylǵy álem chempıony, sondaı-aq jastar deńgeıindegi Azıa chempıonatynyń tórt dúrkin jeńimpazy.
Búgin boks týrnıriniń fınalynda ulttyq qurama kapıtany Aıbek Oralbaı da óner kórsetedi. 90 keliden joǵary salmaq dárejesindegi altyn medal úshin ol ózbekstandyq Jaҳongır Zokırovpen judyryqtasady.