Qazaqstandyq boksshy Tórehan Sabyrhan Japonıanyń Aıtı men Nagoıa qalalarynda ótken 2026 jylǵy jazǵy Azıa oıyndarynyń qola júldegeri atanǵan aǵasy Mahmudty ashyq túrde qoldady, dep habarlaıdy infohub.kz saıty.
55 kelige deıingi salmaq dárejesindegi jartylaı fınalda Mahmud Sabyrhan fılıppındik Karlo Paalammen judyryqtasty. Úsh raýnd qorytyndysy boıynsha tóreshiler bólingen sheshimmen jeńisti Fılıppın ókiline berdi — 3:2. Eki tóreshi Sabyrhanǵa 29:27 jáne 30:26 esebimen jeńis berse, taǵy ekeýi Paalamdy qoldady — 29:27, al besinshi tóreshiniń qorytyndy esebi 28:28 boldy. Nátıjesinde fınalǵa joldamany fılıppındik boksshy ıelendi.
Osydan keıin Qazaqstan boks federasıasy Azıa oıyndarynyń eki jartylaı fınaldyq jekpe-jeginiń nátıjelerimen, sonyń ishinde Sabyrhan qatysqan básekesimen kelispeıtinin bildirdi. Bizdiń el World Boxing uıymyna narazylyq joldady.
Osy jaǵdaıda Tórehan Sabyrhan 2026 jylǵy Azıa oıyndarynyń jartylaı fınalyndaǵy jeńilisinen keıin aǵasy Mahmudqa júgindi. Ol Instagram paraqshasynyń stories bóliminde jekpe-jekten keıingi aǵasymen túsken sýretin jarıalady.
«Búkil el naǵyz chempıon qandaı bolýy kerektigin kórdi. Eń mańyzdy sátte siz naǵyz chempıon ekenińizdi dáleldedińiz!» — dep jazdy Tórehan.
Aıta keteıik, Tórehan Sabyrhan búgin Azıa oıyndarynyń 70 kelige deıingi salmaq dárejesindegi fınalynda judyryqtasady. Onyń qarsylasy — Iordanıadan kelgen Zeıad Ishaısh.