Taqyryby: Tórt-túlik mal. 2 synyp
Maqsaty: 1. Oqýshylardyń dúnıetanymyn keńeıtý, tilin ári qaraı damytý úshin jańa sózderdi paıdalana otyryp, sózdik qoryn keńeıtý. Sózderdi qosyp sóılem qurastyrý.
Fonetıkalyq jattyǵýlar arqyly dybystardy anyq dybystaýyna úıretý.
2. Oqýshylarǵa jańa sózderdi meńgertý, matematıka sabaǵymen baılanystyra otyryp, oıyn, este saqtaý qabiletin damytý.
3. Oqýshylardy úı janýarlaryn, qorshaǵan ortany súıýge tárbıeleý. Ata - babamyzdan kele jatqan naqyl sózderdiń maǵynasyn túsinip este saqtaý jáne oryndaýyna tárbıeleý.
Kórnekiligi: úı janýarlardyń sýreti, sózjumbaqtar, jańa sózder, úlestirme materıal, Qýyrmashtyń sýreti.
Sabaqtyń túri: jańa sabaq
Sabaqtyń ádisi: oıyn, suraq - jaýap, oılandyrý, túsindirý.
Oqytý formalary: juptyq jumys, jeke jumys, toptyq jumys
Pánaralyq baılanys: orys tili, ádep, dúnıetaný.

Sabaqtyń barysy
İ. Uıymdastyrý kezeńi
Oqúshylarmen sálemdesý, oqýshylardy túgendeý.
- Sálemetsińder me balalar!
- Qazir qandaı jyl mezgili?
- Kóktem.
- Kóktem aılary qandaı?
- Naýryz, sáýir, mamyr.
- Qazir qandaı aı?
- Sáýir.
- Búgin aptanyń qaı kúni?
- Sársenbi.
- Kim synypta joq?
-........... joq.

İİ. Negizgi kezeń
- Búgin sabaqta biz úı janýarlardyń álemine saıahat jasaımyz.
- Balalar partalarynda tórt túrli fıgýralar jatyr. Bul fıgýralar bizdi baǵalaıdy: óte jaqsy desem – dóńgelek fıgýrany ózine alasyńdar, jaqsy desem – tórtburyshty alasyńdar, durys emes desem – úshburyshty alasyńdar. Sabaqtan keıin bárin sanap, qaısysy kóp sol baǵa shyǵady.
1. Fonetıkalyq jattyǵý – oıyn «Jańǵyryq» (2 mın.)
Oqýshylar, muǵalim kórsetken sýrettegi sózderdi qatty, ortasha, tómen daýysymen daýystaıdy, mysaly:
Túıe –– daýysyn shyǵaryp, qatty daýystaıdy
Túıe – ortasha daýystap aıtady
Túıe – tómen, áren estiletindeı daýystaıdy.
2. «Úı janýarlary taqyrybyna» dıalogtardy alty bala ekeýden aıtyp beredi.
Oıyn «Daýysyn salaıyq»
Muǵalim sýretti kórsetedi, oqýshylar onyń dybysyn salady, mysaly:
Mysyq – máý - máý - máý
It – aý - aý - aý
Sıyr – mó - mó - mó
3. Tapsyrma: Sýretterdiń sózderin tap. Bir jaǵynda sýretter, ekinshi jaǵynda sózder. Oqýshylar sózderdi sýret astyna qoıady.

İİİ. Jańa sabaq.
1. - Balalar, biz úı janýarlaryn bilemiz. Olardyń tólderimen jáne balalarymen tanysaıyq (taqtada tólderi jáne balalary bar maldar, astynda olardyń ataýlary).
Túıeniń tóli – bota
Jylqynyń tóli – qulyn
Sıyrdyń tóli – buzaý
Qoıdyń tóli – qozy
Eshkiniń tóli – qoshaqan
Ittiń balasy – kúshik
Mysyqtyń balasy – marǵaý

2. Oıyn «Tólder»
- Balalar biz tólderdi qalaı shaqyratyn daýystarymen tanysaıyq (taqtada plakattaǵy býyndardy sozyp oqıdy). Endi taqtaǵa bir - birden úı janýarlary shyǵady. Janýarlar óz tólderin shaqyrady, tólderi qasyna shyǵyp keledi (durys jaýabyn tapqan birinshi shyǵady).
Sıyr - áý - kim, áý - kim (buzaý)
Jylqy – qu - rý, qu - rý (qulyn)
Túıe – mah – mah (bota)
Eshki – shó - re, shó - re (laq)
Qoı – man - man, man - man (qozy).
- Mine, balalar, osylaı janýarlar tólderin shaqyrady.
3. - Balalar sender bilesińder me ár tóldiń atasy – piri bar. Qazir balalar senderdi olarmen tanystyrady.
Taqtaǵa birnen soń bir balalardan shyǵyp muǵalim bergen óleńderin oqyp aıtady (qoldarynda pirlerdiń sýretteri):
A. Ánderinen tórt túlik
Sen de tanyp bilesiń:
Ár túliktiń pir tutyp,
Tabynatyn ıesin.
Á. «Shopan ata» – ıem, dep
Mańyraıdy kók qozym.(qasyna qozy shyǵady)
B. Baqyrady laǵym:
«Seksek ata, – dep ózim.» (qasyna laq shyǵady)
V. Kisineıdi qulyn kep:
«Qambar ata – bul men!» – dep.
G. «Zengi baba – tegim», dep,
Móńireıdi buzaýym. (qasyna buzaý shyǵady)
Ǵ. «Oısyl qara – elim» – dep,
Qoımas bota bozdaýyn. (qasyna bota shyǵady)

4. Sózjumbaqtardy shesh.
QAN
AT ZY UQ ZAÝ ASh
OB QO LYN BU QO
5. «Bul qandaı sózder»
T.. e, s.. r, j... y, q. ı, e.. i, b... ý, q... n, q..... n, b.. a.

İİİ. Qorytyndylaý
Balalarǵa paraqtarda óz betimen jumys beriledi
1. Sýrettiń astyna ataýlaryn jaz
2. Sózjumbaqty sheshińder
- Osymen bizdiń sabaǵymyz aıaqtaldy. Baǵany qortyp shyǵaramyz.
- Balalar, senderge sabaq unady ma?
- Saý bolyńdar!

Ahmetova Aıgýl Kaıratovna
Qazaq tili men ádebıeti pániniń muǵalimi
Qostanaı oblysy Lısakov qalasy
«Mektep - gımnazıa» KMM