Taqyryby: «Tórt túliktiń keńesi»
Maqsaty: Oqýshylardy tórt túlik maldy baǵyp - kútýge, eńbekshil bolýǵa tárbıeleý, shyǵarmashylyq oılaý qabiletterin arttyrý, mánerlep oqý daǵdylaryn jetildirý, tórt túlik týraly bilimderin tıanaqtaý.
Kórnekiligi: ınterbelsendi taqta, slaıd, tórt túlik sýretteri, maqal - mátelder, jumbaqtar, sózjumbaq

Barysy:
1. Psıhologıalyq daıyndyq.
Shattyq sheńberde «Dopty qaǵyp, al» oıyny
A) Sıyr móńireıdi,
Qoı mańyraıdy.
Jylqy kisineıdi,
Túıe bozdaıdy.
Á) Topqa bólý
2. Oı qozǵaý.

Jumbaqtar sheshý.
1. Iir - ıir denesi,
Saharanyń kemesi.
Ashshy shópter – tamaǵy,
Shólge shydap baǵady. (túıe)
2. Kókke shanshyp quıryǵyn,
Shaýyp keldi júırigim. (qulyn)
3. Shaınańdaıdy saǵyz,
Súttiń keni naǵyz. (sıyr)
4. Kishkentaı ǵana boıy bar,
Aınaldyryp kıgen tony bar.(qoı)
5. Basynda eki taıaǵy,
Sıdańdaǵan aıaǵy.
Qoımen birge jaıady. (eshki)

Burynǵy kezde ata - babalarymyz mal ataýlynyń qadir - qasıetin jetik bilip, saharany tórt túlikke toltyrǵan. Mal ósirýge asa qolaıly Qazaqstan jerin malsyz elestetýimiz múmkin emes. Maldy súıý, baǵý, kútý, keń dalany malǵa toltyrý elimizdiń bolashaǵy myna senderdiń mindetteriń. Endeshe, balalar tórt túlikti barlyǵymyz da bilemiz.
Olarǵa túıe, jylqy, sıyr, qoı jatady. Tórt túliktiń eti azyq, júni kıim, terisin satsaq aqsha. Endeshe, myna turǵan maldardyń tólderin ataıyqshy. Bota, qulyn, buzaý, qozy.

3. Toppen jumys.
1 - top. Túıe týraly jyr, maqal - mátel.
2 - top. Jylqy -----------------------------
3 - top. Sıyr -----------------------------
4 - top. Qoı -----------------------------

Sergitý sáti: «Qamajaı»
4. Sabaqty qorytyndylaý.
A) Balalar, senderdi analaryń, ájeleriń jaqsy kórip, erkeletkende «botam», «qulynym»dep jatady.
Maldarda tólderin erkeletip jaqsy kóredi eken.
1. Túıe súıedi balasyn - «botashym» dep,
Jaýdyraǵan kózińnen - «totashym» dep.
2. Jylqy súıedi balasyn - «qulynym» dep,
Tulpar bolyp júgirgen – «jurynym» dep.
3. Sıyr súıedi balasyn – «torpaǵym» dep,
Qarańǵyǵa baspaǵan – «qorqaǵym» dep.
4. Qoı súıedi balasyn - «qońyrym»dep,
Eshteńeni bilmeıtin - «momynym» dep.
5. Eshki súıedi balasyn – «laǵym» dep,
Tastan – tasqa sekirgen - «shunaǵym» dep.

Á) Yrymdar men tyıymdar aıtý.
1. Mal qoranyń syrtynda, bolmasa ishinde ysqyrmaıdy.
2. Jas mal tóldegende úıge qaryz surap kelgenderge eshteńe bermeıdi.
3. Maldyń aldynan bos ydyspen shyqsa, sút azaıady.
4. Malǵa daýys kóterip ursýǵa, al atty aýyzdyqpen urýǵa bolmaıdy.
5. Túnde mal sanamaıdy jáne eshkimge bermeıdi.