Avtory:
Ǵabıden QOJAHMET,
Qyzylorda qalasy

Tósinen ushqan túlektiń
Armany bıik bolǵan jer!

(Qazaly aýdany, №25 orta mektebi jaıynda jazylǵan)
Bóle - jarmaı birin de shetke dara,
Berdiń be eken qashanda kópke baǵa.
Qaı qıyrda júrse de shákirtteriń,
Sen olarǵa ortaqsyń, Mektep - Ana.

Qazirgi orta mekteptiń irgetasy 1947 - 48 oqý jylynda qalanǵan. 49 - jyly ómirge óziniń alǵashqy túlekterin berdi. Ótken tarıhyndaǵy túlekteri arasynda mektepti 7 túlegi altyn medalǵa, 4 túlegi kúmis medalǵa bitirip shyqqan.

Eldiń bir salty qashannan -
Ónermen baǵy janǵan jer.
Tósinen ushqan túlektiń
Armany bıik bolǵan jer.
Ulaǵattyń úlgisin
Mektebi jıyp alǵan jer.
Sarqylmas bilim baılyǵy -
Tálim men tanym qonǵan jer.

***
Mekteptiń dańǵyl joly bar
Aýmaǵan beıne dastannan.
Qojabaı, Aıap, Moldabaı,
İskendir, Amangeldiler
Bir kezde - daǵy basqarǵan.
Surasa bilseń árqaısysyn,
Minezin aıtyp qoshtar jan.
Mekteptiń joly bastalar
Osyndaı - daǵy asqardan.

Osylaı - daǵy tolqytyp,
Ustazǵa bersek baǵany -
Derbisaly, Álimjan
El esinde qalady.
Qýanysh penen Jarbolat
Órletken shákirt talabyn.
Jumamurat, Aqbergen -
Umytpas shákirt sanaly.

Mekteppen birge jasasqan
Jánıet penen Nuǵyman.
Tájimbetteı ustazyń
Orys tilin tanyǵan.
Shápesh, Aınash, Baljandar
Balaǵa kelgen baǵynan.
Ustazdar bar osyndaı
Tabylǵan bilim janynan.

Jaqsy ustaz qashanda
Mektebińniń kemeri.
Jándildany el biler
Ázil sózdiń sheberi.
Sábıt penen Esirkep
Balaǵa bar - dy bereri.
Aqnıet penen Januzaq,
Aıtatyn ustaz kóp edi.

Maqtaýly ustaz kóp edi
İsimenen nandyrar.
El aıtsa sonyń barlyǵyn,
Aıtýshyń tańdy tańǵa urar.
Bilimine shólirkep,
Qashannan - aq jan qumar
Shákirtter shyqty aldynan
Aıyzyńdy qandyrar.

Aınur menen Toqbolat,
Aldanıaz, Shapaıdyń
ǵylymda boldy talaby,
Begalydaı ǵalymdar -
medısına mamany.
Dálenovter otbasyn
ǵylym - bilim jolynda
úlgi etip shákirt qarady.
Alpyspaı, Ábı, Almastar
mektepti altyn, kúmiske
alǵashqy bolyp bitirgen
túlekter edi sanaly.
Nurperzent pen Seksenbaı,
Jetiskendeı aqyndar
baspasóz atty maıdanda
qolynan túspedi qalamy.
Seıil, Ánes, Meshitbaı
jyrdaǵy shyqqan júırikter,
múshesi edi Odaqtyń,
óleńde bolǵan daraly.
Kókiregi toly kómbege,
tarıhshy ustaz ári aqyn,
qurmet tutty ortasy
Aqanjan syndy aǵany.
Asyl sózdiń syrynan
shákirtke tálim úıretken
Faızolladaı aqyndar -
Bolmysy bolǵan baǵaly.
Osyndaı alǵy býynnyń
izimen talaı túlekter
tarıhynda mekteptiń
jazylyp áli - aq qalady.

Aıta bilsek osyny,
Shákirtke bar áli syn.
Mektebiniń ótkenin,
Tarıhyn bilip, tanysyn.
Maqtaýly shyqsyn shákirtter
Ómirdiń kórip jarysyn.
Kótere bersin ár jerde
Mektebiniń namysyn!