Toyota kompanıasy jańa bZ Woodland elektrokrossoverin naryqqa shyǵardy. Bul model eki elektr qozǵaltqyshymen, tolyq jetekpen jáne jalpy qýaty 375 a.k. jabdyqtalǵan. Degenmen, modeldiń basty ereksheligi dınamıkada emes, elektromobıldi jolsyz jerlerde júrýge beıimdeý áreketinde, dep habarlaıdy infohub.kz saıty.
Jol talǵamaıtyn kólik sıpatyna ıe bul elektrokrossover X-MODE rejımi bar tolyq jetek júıesin jáne shamamen 21,3 santımetr jol sańylaýyn aldy. Sondaı-aq, jolsyz jerge arnalǵan shınalar, shatyrdaǵy reılıngter jáne salmaǵy 1,6 tonnaǵa deıingi tirkemeni súıreý múmkindigi qarastyrylǵan. Osylaısha, bizdiń aldymyzda standartty bZ modeliniń tek qýattyraq nusqasy emes, belsendi demalysqa baǵyttalǵan model tur.
Standartty shınalarmen júris qory EPA sıkli boıynsha shamamen 452 shaqyrymdy quraıdy. Qosymsha jolsyz jerge arnalǵan shınalar ornatylǵanda bul kórsetkish shamamen 418 shaqyrymǵa deıin tómendeıdi.
Taǵy bir qyzyqty erekshelik — zarádtaý júıesi. Syıymdylyǵy 74,7 kılovatt-saǵat bolatyn akýmýlátor turaqty tokpen jyldam zarádtaýdy qoldaıdy: ıdealdy jaǵdaıda 10%-dan 80%-ǵa deıin shamamen 30 mınýtta zarádtalady. Sondaı-aq, sýyq aýa raıynda zarádtaýdy jyldamdatatyn batareıany aldyn ala qyzdyrý fýnksıasy qarastyrylǵan.
Alǵashqyda aıtylǵan 375 a.k. — bul jaı ǵana qaǵazdaǵy san emes. Toyota kompanıasynyń málimetinshe, 60 mıl/saǵ (shamamen 97 km/saǵ) jyldamdyqqa deıin údeý shamamen 4,5 sekýndty alady.
Buǵan deıin «Kýrsıv Avto» basylymy qazir múldem jańa Toyota Land Cruiser 70-ti qaıdan satyp alýǵa bolatynyn aıtqan bolatyn.