Trassadaǵy qaýipti jarys vıdeosy Aqmola oblysy polıseılerine jetti. Eki júrgizýshi de tabylyp, jazalandy, dep habarlaıdy infohub.kz saıty.
Astana-Petropavlovsk tas jolynda eki júrgizýshiniń qaýipti manevrleri polısıa qyzmetkerleriniń tekserýine ilikti. Joǵary jyldamdyqpen birin-biri basyp ozǵan kólikterdiń vıdeosy áleýmettik jelide jarıalanyp, paıdalanýshylardyń narazylyǵyn týdyrdy.
Qaýipti júristiń kýágerleri oqıǵany vıdeoǵa túsirip qana qoımaı, júrgizýshilerdi jol qozǵalysy erejelerin saqtaýǵa shaqyrdy. Mundaı jarystar qaıǵyly saldarǵa ákelýi múmkin.
«Jarıalanymnan keıin patrúldik polısıa qyzmetkerleri eki buzýshynyń da jeke basyn anyqtady. Bir júrgizýshi Astanadan tabyldy. Ekinshisi polıseılermen kezdesýden qashpaq bolyp, telefon qońyraýlaryna jaýap bermedi, alaıda beınebaqylaý kameralarynyń arqasynda onyń kóligi Býrabaı kýrorttyq aımaǵynda anyqtalyp, sol jerde ustaldy», — dep habarlady Aqmola oblysy polısıa departamenti.
Eki júrgizýshige de jol qozǵalysy erejelerin buzǵany úshin ákimshilik materıaldar jasaldy. Polıseılermen áńgime kezinde er adamdar kinásin moıyndap, budan bylaı ózderi men basqa jol qozǵalysyna qatysýshylardy qaýip-qaterge ushyratpaıtyndaryna sendirdi.