AQSh prezıdenti Donald Tramp Amerıka Qurama Shtattarynyń qysqy ýaqytqa saǵat aýystyrý tájirıbesinen bas tartýyn qoldady. Onyń aıtýynsha, bul rásim amerıkandyqtardy ádettegi ómirlik yrǵaǵynan shyǵarady, dep habarlaıdy infohub.kz saıty.
NUR.KZ agenttigi RIA Novostıge silteme jasap habarlaǵandaı, Aq úıdiń basshysy bul málimdemeni jýrnalısermen suhbattasqan kezde jasady. Onyń sózinshe, ýaqytty aýystyrý kóptegen azamattyń ómirine kedergi keltirip, olardyń tepe-teńdigin buzady jáne óziniń aıtýynsha, «dıskombobýlırýıýshı» áser beredi.
Osy sózdi aıtqan soń Tramp saǵat aýystyrýdyń áserin «discombobulator» dep atalatyn jańa qupıa dybystyq qarýmen salystyrdy. Onyń tujyrymy boıynsha, AQSh áskerıleri jyl basynda Venesýeladaǵy operasıa kezinde osy qarýdy qoldanǵan.
«Adamdar jaryqty qalaıdy. Olar baryp saǵat aýystyrǵysy kelmeıdi. Jarty jyl buryn men de solaı istedim. Maǵan saǵat aýystyrý unamaıdy, bári keshigedi. Bul barlyǵyn dıskombobýlırýet», — dedi AQSh prezıdenti Aq úıdegi baspasóz konferensıasynda jýrnalıserge.
Aıta keteıik, 2024 jyldyń jeltoqsanynda AQSh prezıdenti bolyp qaıta saılanǵannan keıin Donald Tramp elde jazǵy ýaqytqa kóshýdi joıý josparlary týraly da aıtqan. Onyń pikirinshe, bul memleketke qymbatqa túsedi.