AQSh Prezıdenti Donald Tramp Qytaıda qarashada ótetin Azıa-Tynyq muhıty ekonomıkalyq yntymaqtastyǵy (ATES) samıtine qatysatynyn rastady. Bul týraly ol Qytaı Halyq Respýblıkasynyń tóraǵasy Sı Szınpınmen kezdesýinde málimdedi, dep habarlaıdy infohub.kz saıty.
«Baramyz. Kóp nárseni talqylaımyz», — dedi Tramp Sı Szınpınmen kezdesýde.
Aıta keteıik, birneshe kún buryn Reseı Prezıdentiniń kómekshisi Iýrı Ýshakov Vladımır Pýtın men Donald Tramptyń jeke kezdesýi qarashada ATES samıti aıasynda ótýi múmkin ekenin málimdegen. Onyń aıtýynsha, eki kóshbasshy bir is-sharaǵa qatyssa, olardyń kelissózderi sózsiz bolady.
Sondaı-aq birneshe kún buryn Aq úı basshysy Pýtınmen taǵy bir kezdesý ótkizýi múmkin ekenin aıtqan.
Buǵan deıin Kremldiń baspasóz hatshysy Dmıtrı Peskov jýrnalıserge Reseı — AQSh — Ýkraına arasyndaǵy úshjaqty kelissózder jaqyn arada ótýi múmkin ekenin, biraq naqtylyq joq ekenin habarlaǵan. Sol ýaqytta AQSh Memlekettik departamentiniń basshysy Marko Rýbıo Vladımır Pýtındi Maıamıdegi «Úlken jıyrmalyq» (G20) samıtine resmı túrde shaqyrdy. Al Ýkraına Prezıdenti Vladımır Zelenskı Maıamıde onyń Tramppen jáne Pýtınmen kezdesýi múmkin ekenin joqqa shyǵarmady.