Amerıka Qurama Shtattarynyń Prezıdenti Donald Tramp Vashıngtonnyń Belarýsten kalı tyńaıtqyshtaryn satyp alý týraly «aýqymdy mámile» jasasýǵa daıyndalyp jatqanyn málimdedi, dep habarlaıdy infohub.kz saıty.
Bul týraly amerıkandyq kóshbasshy Truth Social áleýmettik jelisinde jazdy. Onyń aıtýynsha, AQSh Belarýs kalı tyńaıtqyshtaryn jetkizýge arnalǵan iri kelisimshart boıynsha jumys júrgizýde.
«Amerıka Qurama Shtattary Belarýsten kalı tyńaıtqyshtaryn satyp alý boıynsha aýqymdy mámile jasaýǵa daıyndalyp jatyr. Baǵasy biz qazir Kanadaǵa tólep jatqan baǵadan aıtarlyqtaı tómen bolady. Bul fermerlerimiz ben mal ósirýshilerimiz úshin óte jaqsy jańalyq. Osy máselege nazar aýdarǵandaryńyzǵa raqmet!» — dep jazdy Donald Tramp.
Buǵan deıin naýryz aıynda Belarýs prezıdenti Aleksandr Lýkashenko AQSH-pen «úlken mámile» jasasýǵa daıyndyq týraly málimdegen bolatyn. Onyń aıtýynsha, kelisim «birqatar máselelerdi» qamtıdy.
Sonymen qatar, tamyz aıynyń sońynda Kanada premer-mınıstri Mark Karnı AQSH-qa qarsy «dollarǵa dollar» mólsherinde qarsy baj salyǵyn engizý nıetin habarlaǵan.
Oǵan jaýap retinde Donald Tramp Kanadanyń saıasatyn sátsiz dep atady, al el basshylyǵyn, sonyń ishinde premer-mınıstr Mark Karnı men Ontarıo provınsıasynyń premeri Dag Fordty quzyretsiz dep baǵalady.