AQSh prezıdenti Donald Tramp CNN telearnasynyń, MS NOW jáne Politico basylymynyń tilshilerine Aq úıge barýǵa tyıym saldy. Sebebi retinde ol bul buqaralyq aqparat quraldarynyń amerıkandyq ákimshiliktiń jumysy týraly jalǵan málimet taratqanyn atady, dep habarlaıdy Reuters, ol týraly infohub.kz saıty jazady.
Memleket basshysy óz sheshimin juma kúni jarıalady. Onyń aıtýynsha, BAQ ózi jalǵan dep sanaıtyn materıaldardy jarıalamaýy tıis.
«BAQ AQSh prezıdentiniń, Tramp ákimshiliginiń nemese Amerıka Qurama Shtattarynyń qyzmetin jarıalaǵan kezde únemi JALǴAN men ÓTİRİK jazýǵa nemese taratýǵa múmkindik almaýy kerek. Basqa da jalǵan BAQ onyń úlgisin ustanýy tıis», — dep jazdy Tramp.
Amerıka kóshbasshysynyń sheshimine sóz bostandyǵy men baspasóz bostandyǵyna kepildik beretin AQSh Konstıtýsıasynyń Birinshi túzetýine qaıshy keledi degen negizben sotta daý ashýy múmkin.
CNN, MS NOW, Politico jáne Ulttyq baspasóz klýby prezıdenttiń málimdemesine ázirge pikir bildirgen joq.
Tramp buǵan deıin de telearnalar men ózge BAQ-ty onyń ákimshiligi týraly jarıalanymdary úshin synaǵan. Ol telearnalardy ózin kelekeleıtin nemese synaıtyn jańalyq jáne ıýmorlyq baǵdarlamalardy efırden alyp tastaýǵa birneshe ret shaqyrdy. Sonymen qatar prezıdent Federaldyq baılanys komısıasyna osyndaı kontent shyǵaratyn telearnalardyń lısenzıasynan aıyrýdy usyndy.
Buǵan deıin Tramp ákimshiligi Associated Press agenttiginiń tilshileriniń prezıdent is-sharalaryna qatysýyn shektegen. Sebebi agenttik Meksıka shyǵanaǵynyń ornyna memleket basshysy amerıkandyq memlekettik vedomstvolar úshin engizgen «Amerıka shyǵanaǵy» ataýyn qoldanýdan bas tartqan.