AQSh prezıdenti Donald Tramp Vashıngton Eýropalyq odaqpen saýdany tolyǵymen toqtatýy múmkin ekenin málimdedi. Buǵan Kanadaǵa EO-nyń alǵashqy asosıasıalanǵan múshesi bolý usynysy sebep boldy, dep habarlaıdy infohub.kz saıty.
Qarsańynda Eýrokomıssıa tóraǵasy Ýrsýla fon der Láıen Kanadaǵa Eýropalyq odaqtyń alǵashqy asosıasıalanǵan múshesi bolýdy usynǵan edi. Amerıka kóshbasshysynyń reaksıasy qatal boldy.
«Men muny kúlkili dep sanaımyn. Eger olar (EO bıligi. — red. esk.) osylaı istese, men muny dosqa jat qadam dep eseptesem, óte joǵary baj salyǵyn engizemin nemese Eýropamen saýdany toqtatamyn. Nıet jaqsy bolsa, bári jaqsy. Nıet jaman bolsa, Eýropaǵa óte joǵary baj salyǵyn salamyz, bul — bir nusqa», — dedi Tramp.
Eske salaıyq, tamyz aıynyń sońynda Kanada premer-mınıstri Mark Karnı AQSH-qa qarsy «dollarǵa dollar» mólsherinde qarsy baj salyǵyn engizetinin málimdegen. Buǵan jaýap retinde Donald Tramp Kanadanyń saıasatyn sátsiz dep atap, el basshylyǵyn, onyń ishinde premer-mınıstr Mark Karnı men Ontarıo provınsıasynyń premeri Dag Fordty quzyretsiz dep baǵalady.
27 tamyzda Tramp AQSH-ta Ontarıo kóliniń ataýyn ózgertý týraly jarlyqqa qol qoıdy. Kanada premer-mınıstri Mark Karnı buǵan jaýap retinde Ontarıo ataýynyń 400 jyldan astam tarıhy bar ekenin aıtty. Karnı bul ataý Kanada konfederasıasy qurylǵanǵa jáne Amerıka Qurama Shtattarynyń Táýelsizdik deklarasıasyna deıin de bolǵanyn atap ótti.