AQSh prezıdenti Donald Tramp Sasseks gersogy Harrı men gersogıná Megannyń Ulybrıtanıaǵa qaıta oralýyna qatysty pikir bildirip, buǵan qýanyshty ekenin aıtty. Ol sársenbi kúni saıahat kompanıalarynyń ókilderimen baspasóz máslıhatynan keıin jýrnalıserdiń suraqtaryna jaýap berý kezinde: «Men buǵan qýanyshtymyn», — dedi. «Men olardyń jankúıeri bolǵan emespin», — dep qosty ol.
Tramp patshaıymmen óte jaqsy qarym-qatynasta bolǵanyn, ony jaqsy biletinin aıtty. «Men patsha Charlzben de óte jaqsy qarym-qatynasta boldym — ony hanzada Charlz kezinen bilemin, uzaq ýaqyt boıy tanyspyn», — dedi ol. Tramp Charlzdi «óte jaqsy adam» dep sıpattap, Harrı men Megan kоróldik otbasyna «úlken qurmetsizdik» kórsetti dep esepteıtinin jetkizdi. «Maǵan bul unamady», — dedi ol, ári «Men kоróldik otbasynyń ornynda bolsam, olardy qaıta qabyldamas edim», — dep qosty.
Eske salaıyq, Harrı men Megan ótken aptada Ulybrıtanıaǵa oraldy. Olar alty jyl buryn AQSH-qa kóship ketken edi, 2020 jyldan beri Kalıfornıada turdy. Jup ázirge óz josparlary týraly resmı málimdeme jasaǵan joq, biraq olardyń «uzaq ýaqytqa» qalýy kútilýde. Olardyń qansha ýaqyt turatyny jáne qaıda turatyny týraly ártúrli boljamdar aıtylýda.
Tramp kоróldik otbasyna degen qyzyǵýshylyǵy men tańdanysyn balalyq shaǵyndaǵy estelikpen baılanystyrady. Ol 1953 jyly anasy Merı Enn Tramppen birge patshaıym Elızaveta II-niń táj kıgizý rásimin teledıdardan kórgenin aıtady. Tramp qaıtys bolǵan patshaıymdy «uly áıel» dep atap, onyń taqta otyrǵan ondaǵan jyldary «eshqashan qatelik jasamaǵanyn» atap ótti.
Habarlarǵa sáıkes, kоról Charlz gersog pen gersogınámen jeke deńgeıde kóbirek ýaqyt ótkizýdi asyǵa kútýde. Alaıda 41 jastaǵy Harrı men 45 jastaǵy Megan jeke tulǵalar bolyp qala beredi. Olar buǵan deıin resmı kоróldik mindetterinen bas tartqan bolatyn. Jupqa «jartylaı-jartylaı» nusqasy usynylmaıdy dep kútilýde, bul opsıany patshaıym Elızaveta II buryn qatań túrde qabyldamaǵan edi.
Brıtandyq salyq tóleýshiler olardyń qaýipsizdigin qamtamasyz etý shyǵyndaryn kóteretini týraly suraqtar áli de jaýapsyz tur.