Amerıka Qurama Shtattarynyń Prezıdenti Donald Tramp Soltústik Irlandıanyń Irlandıa Respýblıkasymen birigýin qoldaıtynyn málimdedi. Ol bul týraly Irlandıa úkimetiniń basshysymen kezdesýde aıtty, dep habarlaıdy infohub.kz saıty.
Bild basylymynyń málimetinshe, Dýblınde Irlandıa premer-mınıstri Mıhol Martınmen kelissózder barysynda AQSh kóshbasshysy jýrnalıserge birigý «aqyr sońynda bolady» jáne ol mundaı senarıdi «qýana qoldaıtynyn» aıtty.
Brıtan úkimeti bul ustanymdy qabyldamady. Londonda premer-mınıstr Endı Bernemniń baǵyty ózgermegenin jáne qazir Soltústik Irlandıanyń Ulybrıtanıa quramynan shyǵýy týraly referendým qarastyrylmaıtynyn málimdedi.
Soltústik Irlandıanyń eń iri ıýnıonıstik partıasy DUP ta qarsy shyqty. Onyń kóshbasshysy Gevın Robınson aımaqtyń bolashaǵyn Londondaǵy, Dýblındegi nemese Vashıngtondaǵy saıasatkerler emes, Soltústik Irlandıa turǵyndarynyń ózderi sheshýi kerek ekenin málimdedi.
Atalǵan materıalda atap ótilgendeı, 1998 jylǵy Belfast kelisiminen keıin bul másele erekshe sezimtal kúıinde qalyp otyr. Kelisimge sáıkes, Soltústik Irlandıanyń konstıtýsıalyq mártebesi týraly referendýmdy tek brıtan úkimeti ǵana taǵaıyndaı alady.