Ispanıa quramasynyń fýtbolshylary 2026 jylǵy álem chempıonatyndaǵy jeńisi úshin kýbokpen marapattaldy. Marapattaý rásimine Donald Tramp qatysty, dep habarlaıdy infohub.kz.
2026 jylǵy álem chempıonatynyń fınaly AQSH-tyń Ist-Raterford qalasynda ótip, ıspandyqtar argentınalyqtardy 1:0 esebimen jeńdi. Sheshýshi goldy qosymsha ýaqyttyń 106-mınýtynda Ferran Torres soqty.
Mach aıaqtalǵan soń alańǵa marapattaý sahnasy ornatyldy. Rásim barysynda slovenıalyq Slavko Vınchıch basqarǵan tóreshiler brıgadasyn atap ótti. Sondaı-aq jeke marapattar tabystaldy.
Odan keıin kúmis medaldardy Argentına quramasynyń ókilderi aldy. Bul komandanyń kapıtany Lıonel Messı marapattaýdan keıin jankúıerler aldynda jylap jiberdi.
Marapattaý rásimi Ispanıa quramasyn qurmetteýmen aıaqtaldy. Chempıondar kapıtany Rodrı kýbokty AQSh prezıdenti Donald Tramp pen Halyqaralyq fýtbol federasıasynyń (FIFA) basshysy Djannı Infantınonyń qolynan aldy. Sodan keıin ıspandyqtar búkil komanda bolyp jeńisti toılady.
Marapattaý rásimine basqa da saıasatkerler qatysty. Atap aıtqanda, Ispanıa koroli Fılıpp VI jáne 2026 jylǵy álem chempıonatynyń taǵy bir qojaıyn eli Meksıkanyń prezıdenti Klaýdıa Sheınbaým.