AQSh prezıdenti Donald Tramp Ispanıa bıligin taǵy da qatty synǵa alyp, el kóshi-qon saıasaty men NATO aıasyndaǵy qorǵanys shyǵyndarynyń jetkiliksizdigi saldarynan «joıylýy» múmkin ekenin aıtty, dep habarlaıdy infohub.kz.
Jýrnalıser aldynda sóılegen amerıkandyq kóshbasshy Ispanıa, onyń pikirinshe, mıgranttar aǵynynan «joıylatynyn» atap ótti. Ol sondaı-aq Madrıdtiń Soltústik Atlantıkalyq alánsqa qatysty ustanymyna narazylyq bildirip: «Meniń Ispanıaǵa qatysty problemalarym bar, óıtkeni ol NATO-ǵa qatysty ózin jaqsy ustamaıdy jáne tıisinshe tólemeıdi», — dedi.
Tramp túpnusqada «Spain will be a ruined country» degen tirkesti qoldanǵan, ony «Ispanıa qıraǵan elge aınalady» dep te aýdarýǵa bolady. Bul málimdeme Soltústik Afrıkada Marokkomen shekaralas ornalasqan ıspandyq avtonomıalyq Seýta qalasyndaǵy kóshi-qon daǵdarysynyń shıelenisýi aıasynda aıtyldy.
Amerıkandyq prezıdent Seýtadaǵy jaǵdaıǵa jeke toqtalyp, bolyp jatqan oqıǵany «óte qaıǵyly kórinis» dep atady. Onyń aıtýynsha, myńdaǵan adam shekara arqyly Ispanıa aýmaǵyna ótýge tyrysýda jáne ol «mundaıdy eshqashan kórmegen».
Tramp Ispanıany qorǵanys shyǵyndarynyń jetkiliksizdigi úshin birneshe ret synǵa alǵan. Vashıngton men Madrıd arasyndaǵy kelispeýshilikter NATO elderiniń áskerı búdjetterin ulǵaıtýdy talqylaýdan keıin kúsheıdi, bul odaqtastar arasyndaǵy alaýyzdyqtyń sebebi bolyp qala beredi.