AQSh prezıdenti Donald Tramp jańa úlken suhbatynda Saýd Arabıasy men Izraıl onyń kómeginsiz bolmas edi dep málimdedi, dep habarlaıdy infohub.kz saıty.
Áńgime Time jýrnalynda jarıalandy, basylym óz saıtynda suhbattyń stenogrammasyn ornalastyrǵan. Suhbat barysynda jýrnalıser Tramptyń saýdtarmen qarym-qatynasy qazir qandaı ekenin surady.
«Jaqsy, jaqsy. Men Saýd Arabıasy úshin kóp is jasadym. Men Saýd Arabıasyn qorǵaımyn. Eger men prezıdent bolmasam, Saýd Arabıasy qazir bolmas edi. Izraıl de sol sıaqty. Olardy jer betinen joıyp jiberer edi. Men Saýd Arabıasy úshin kóp is jasap jatyrmyn. Olarmen qarym-qatynasym óte jaqsy. Maǵan murager hanzada unaıdy. Qarym-qatynasymyz tamasha. Biraq este saqtańyzdar: eger men osynda bolmasam, Saýd Arabıasy da, Izraıl de bolmas edi. Basqa da kóptegen elder sol sıaqty», — dedi Tramp.
Ol sondaı-aq «barlyǵy úshin kóp is jasap jatqanyn» qosty.