AQSh prezıdenti Donald Tramp Kanada taýarlaryna 50 paıyzdyq baj saldy – tıisti qujattarǵa qol qoıyldy, dep habarlaıdy NUR.KZ Aq úıdiń saıtyna silteme jasap.
Birqatar kanadalyq taýarlarǵa 50 paıyzdyq baj salý – AQSH-tyń pikirinshe, Kanadanyń amerıkandyq ónimderge kemsitýshilik qatynasyna jaýap retinde engizildi. Bajdar qol qoıylǵannan keıin 30 kún ótken soń kúshine enedi.
«Osylaısha, prezıdent Tramp kanadalyq saıasattyń amerıkandyq saýdaǵa keltirgen zalalyn óteýge jáne AQSH-tyń negizgi eksporttyq taýarlary – avtomobılder, аlkogól jáne sút ónimderi úshin teń básekelestik jaǵdaıyn qamtamasyz etýge umtylady», – delingen málimdemede.
Bajdar AQSH-Meksıka-Kanada kelisiminiń sharttaryna qaramastan, onyń qoldanysyna jatatyn barlyq taýarlarǵa qoldanylady. Jańa tarıfter energıa resýrstaryna, kalı tyńaıtqyshtaryna, 232-bap boıynsha buryn baj salynǵan taýarlarǵa, sondaı-aq balyq pen mańyzdy paıdaly qazbalardy qosa alǵanda, keıbir basqa sanattarǵa taralmaıdy.
«Tramp ákimshiligi prezıdenttiń Kanadany amerıkandyq saýdaǵa qatysty kemsitýshilik pen ádiletsizdik úshin jaýapkershilikke tartý sharalaryn qabyldap jatqanyn málimdeıdi, bul Aq úıdiń pikirinshe, amerıkandyq jumysshylar men kompanıalarǵa zıan keltiredi», – delingen habarlamada.
Aıta keteıik, jaqynda Tramp Kanadadan orman órtterimen kúreste belsendi sharalar talap etip, jańa bajdar engizý qaýpin tóndirgen edi.