AQSh prezıdenti Donald Tramp Kanadanyń orman órtinen shyqqan tútin amerıkandyq qalalardy tumshalaǵany úshin jaza qoldaný týraly sheshim qabyldaǵanyn, biraq egjeı-tegjeıin aıtpaǵanyn málimdedi, dep habarlaıdy infohub.kz saıty.
Prezıdenttik ushaqta jýrnalıser amerıkandyq kóshbasshydan kórshi elge qatysty qandaı shara qoldanatynyn anyqtaǵanyn surady. «Iá», — dep qysqa jaýap berdi Tramp.
Saıasatker egjeı-tegjeıge toqtalmaı, aqparat keıinirek belgili bolatynyn ǵana aıtty.
Buǵan deıin Tramp Kanadaǵa qarsy baj salyǵyn engizetinin aıtyp, muny orman órtiniń tútinimen baılanystyrǵan edi. Ol sondaı-aq kanadalyq bılikti órttiń aldyn alý úshin qajetti sharalardy ádeıi qabyldamady dep aıyptaǵan.
Amerıkandyq kóshbasshynyń aıtýynsha, órttiń saldary AQSH-qa mıllıardtaǵan dollar shyǵyn ákeldi.