AQSh prezıdenti Donald Tramp munaı kompanıalaryn shamadan tys paıda tapty dep synǵa alyp, tutynýshylar úshin baǵany tómendetýdi talap etti, dep habarlaıdy infohub.kz.
The Wall Street Journal-dyń jazýynsha, áńgime eki iri korporasıa týraly bolyp otyr: ekinshi toqsanda Chevron kompanıasynyń paıdasy 400%-ǵa jýyq ósip, 12 mıllıard dollarǵa jetti, al Exxon paıdasy eki eseden astam ósip, 14,5 mıllıard dollardy qurady.
«Eger bir jyl burynǵydan 12 ese kóp tabys tapqan kompanıany alsaq, ol osy qarajattyń bir bóligin adamdarǵa qaıtarýy kerek. Olar tutynýshy úshin baǵany tómendetkeni jón», — dedi Tramp Oval kabınetinde.
Aq úı basshysy Irandaǵy soǵys saldarynan baǵanyń ósýi aıasynda munaıshylardyń ústeme paıdasy ony ashýlandyratynyn moıyndady, degenmen Tramptyń ózi erkin kásipkerliktiń úlken jaqtaýshysy ekenin aıtty.
«Meniń muny aıtqanyma tań qaldyńyz ba? Týra ári ashyq aıtaıyn: bul maǵan unamaıdy», — dep atap ótti ol.
Tramp soǵystan keıin baǵa tómendeıtinine senim bildirdi.