AQSh prezıdenti Donald Tramp Zelenskımen sóılesken soń birden Aq úıde Izraıl premer-mınıstri Bınámın Netanáhýmen kezdesti, dep habarlaıdy infohub.kz.
Izraıl premer-mınıstriniń resmı orystildi Telegram arnasy kezdesýdiń sýretin jarıalady. «Qazir Aq úıde dosym, AQSh prezıdenti Donald Tramppen kezdesip otyrmyn», — delingen habarlamada.
CNN telearnasynyń málimetinshe, Izraıl premer-mınıstri shyǵys ýaqyty boıynsha saǵat 11:03-te bastalǵan kezdesýden keıin Aq úıdi 12:25-te tastap ketti. Aq úıdiń baspasóz hatshysy Kerolaın Levıtt X áleýmettik jelisinde bylaı dep jazdy: «Prezıdent Tramp Oval kabınetinde Zelenskı prezıdentimen jáne Netanáhý premer-mınıstrimen kezdesýlerin aıaqtady. Eki kezdesý de ońdy ári nátıjeli ótti!»
Zelenskımen kezdesý sıaqty, Netanáhýmen áńgime de baspasóz qatysýynsyz ótti.
Buǵan deıin ızraıldik BAQ Netanáhýdyń AQSh talaptaryna qaramastan Izraıl qorǵanys áskeri (SAHAL) bólimshelerin Gazada, Sırıada jáne Lıvanda qaldyrý nıetin bildirgenin habarlady. Ótken aptada CNN Netanáhýdyń birneshe apta boıy Tramppen kezdesýge qol jetkize almaǵanyn habarlady. Izraıl premeriniń ózi amerıkalyq kóshbasshymen kelispeýshilikterin moıyndap, buryn Izraıl ekonomıkasy kúshti jáne AQSH-tyń qarjylyq kómegine muqtaj emes ekenin aıtqan.
Tramp ákimshiligindegi derekkózderdiń habarlaýynsha, telefon arqyly sóılesýlerdiń birinde Tramp Netanáhýǵa qaratyp bylapyt sózder aıtyp, oǵan kópjyldyq sot prosesin eske salǵan.