AQSh prezıdenti Donald Tramp AQSh pen Kanada shekarasynda ornalasqan Ontarıo kólin Amerıka kóli dep qaıta ataýdy usyndy, dep habarlaıdy infohub.kz.
Amerıka kóshbasshysy Truth Social áleýmettik jelisindegi jazbasynda: «Amerıka Qurama Shtattary Ontarıo kólin Amerıka kóli dep qaıta ataý máselesin baıypty qarastyryp jatyr, óıtkeni biz Ontarıomen odan ári bıznes júrgizýdi kútpeımiz. Osy máselege nazar aýdarǵandaryńyzǵa raqmet!» dep jazdy.
Brıtan ensıklopedıasynyń derekterine súıensek, Ontarıo kóli Soltústik Amerıkadaǵy Uly kólderdiń eń kishisi jáne eń shyǵysy bolyp tabylady. Onyń soltústik jaǵalaýy Kanadanyń Ontarıo provınsıasymen, al ońtústik jaǵalaýy AQSH-tyń Nú-Iork shtatymen shektesedi.
Buǵan deıin Kanada premer-mınıstri Mark Karnı AQSH-qa qatysty «dollarǵa dollar» mólsherinde jaýap baj salyǵyn engizetinin málimdegen edi. Buǵan jaýap retinde Donald Tramp Kanada saıasatyn sátsiz dep atap, el basshylyǵyn, onyń ishinde premer-mınıstr Mark Karnı men Ontarıo provınsıasynyń premeri Dag Fordty quzyretsiz dep sanaıtynyn bildirdi.