AQSh prezıdenti Donald Tramp Ormýz buǵazynyń 2026 jylǵy 4 tamyzǵa deıin tolyq ashylatynyn málimdedi. Onyń aıtýynsha, keme qatynasynyń erkin ótýin qalpyna keltirý Iranmen jańa kelisimniń alǵashqy kezeńi bolady, sodan keıin taraptar Islam Respýblıkasyn ıadrolyq qarýsyzdandyrý máselesin talqylaýǵa kóshedi, dep habarlaıdy infohub.kz.
The Guardian málimetinshe, Tramp buǵazdyń ashylýy týraly kelisim «dál erteń» (4 tamyzda) resimdelýi kerek ekenin atap ótti. Ol muny Tegeran úshin «jaqsy qujatqa» qol qoıýdyń «sońǵy múmkindigi» dep atady.
«Eger kimde-kim aqy alsa, ol biz bolamyz. Biz jaǵdaıdy tolyq baqylaımyz», — dedi amerıkandyq kóshbasshy.
Sondaı-aq Tramp Taıaý Shyǵystaǵy deldaldar AQSH-ty Iranǵa soqqy jasamaýǵa shaqyrǵanyn aıtty.
CNN habarlaýynsha, resmı Tegeran AQSH-pen tikeleı kelissózder júrgizip jatqanyn jarıa túrde joqqa shyǵarady. Sonymen qatar Iran SİM Omanmen qaýipsiz ýaqytsha marshrýt qurý úshin dıplomatıalyq baılanystar ornatqanyn, soǵysqa deıingi tolyq keme qatynasy AQSH-tyń aımaqtaǵy áskerı áreketteri toqtaǵannan keıin ǵana qalpyna keletinin aıtty.
Sarapshylar Tramptyń qatań áskerı qaýipterdi (sonyń ishinde Iran ınfraqurylymyna soqqylardy) dıplomatıalyq serpilis týraly málimdemelermen únemi almastyryp otyratynyn atap ótedi.
Buǵan deıin «Kýrsıv» AQSh Iran buryn jabyq dep jarıalaǵan Ormýz buǵazy arqyly erkin keme qatynasyn qamtamasyz etýdi kózdeıtinin jazǵan bolatyn.