AQSh prezıdenti Donald Tramp Reseıge qarsy sanksıalardy «qyzmetke qyzmet» qaǵıdatymen jeńildetý múmkindigin qarastyryp jatqanyn bedeldi The Atlantic basylymy habarlady, dep jazady NUR.KZ. Bul týraly infohub.kz saıty málim etti.
Basylym derekkózderiniń aıtýynsha, Tramptyń ókilderi reseılik saıası tutqyndardy bosatýdy amerıkandyq sanksıalardy jeńildetýge aıyrbastaýdy usynǵan. Bul Ýkraınadaǵy soǵys aıaqtalmaı turyp-aq iskerlik mámilelerge jol ashar edi.
«Birneshe aı buryn Donald Tramptyń Shyǵys Eýropadaǵy ókili prezıdentke AQSH-tyń Máskeýmen qarym-qatynasyn tuıyqtan shyǵarýǵa baǵyttalǵan jańa ıdeıa usyndy. Jospar qyrǵı qabaq soǵys kezeńin eske salatyn «qyzmetke qyzmet» qaǵıdaty boıynsha aıyrbasty kózdedi. Iaǵnı, Kreml saıası tutqyndardyń bir bóligin bosatady, al AQSh jaýap retinde reseılik ekonomıkaǵa qarsy sanksıalardy jeńildetedi. Tramp bul bastamany maquldady», — dep keltiredi basylym óz derekkózderin.
Olardyń aıtýynsha, ázirge bastapqy kezeńde turǵan jáne buǵan deıin baspasózde jarıalanbaǵan jańa jospar Tramptyń birneshe maqsatyna birden jetýge kómektespek. Atap aıtqanda, ol Reseıdi álemdik ekonomıkaǵa qaıta ıntegrasıalaýǵa yqpal etýi múmkin.
Sonymen qatar, jospar Tramptyń Kremlmen kelissózderiniń aıasyn keńeıtip, bir jyldan astam dıplomatıalyq kúsh-jigerge qaramastan onyń ókilderi toqtata almaǵan Ýkraınadaǵy soǵystyń kúrdeli máselesinen tys shyǵýǵa múmkindik beredi. Buǵan qosa, ol AQSh úshin tıimdi reseılik munaı, dızel otyny, sırek kezdesetin metaldar jáne basqa da taýarlarǵa qatysty mámileler jasaýǵa jol ashar edi. Qosymsha artyqshylyq retinde gýmanıtarlyq sebeptermen tutqyndardy bosatý Tramptyń áldeqashan armandap júrgen Nobel beıbitshilik syılyǵyn alý múmkindigin nyǵaıtar edi.
«Alaıda Kremlmen osyndaı qarym-qatynas tásili ýkraındardy, eýropalyqtardy jáne tipti Tramptyń Kapıtolı tóbesindegi kóptegen odaqtastaryn narazylyqqa ákelýi yqtımal. AQSh pen Reseı arasyndaǵy kez kelgen áleýetti mámile qarajattyń Ýkraınany terrorlaýdy jalǵastyryp, AQSH-tyń Eýropadaǵy odaqtastaryna aýqymdy soǵyspen qaýip tóndirip otyrǵan reseılik armıanyń qajettilikterine jumsalý qaýpin týdyrady», — delingen jarıalanymda.
Aıta keteıik, osy aıda Tramp marqum respýblıkashyl senator Lındsı Gremniń telavtory bolǵan zańǵa qol qoıdy. Bul zań prezıdentke Reseıge jáne onyń saýda seriktesterine qatań sanksıalar engizý quqyǵyn beredi.