Amerıka Qurama Shtattarynyń Prezıdenti Donald Tramp Ýkraınada beıbitshilik ornatý úshin Reseıge qarsy aýqymdy sanksıalar týraly zańdy iske qosýy múmkin ekenin joqqa shyǵarmady, dep habarlaıdy infohub.kz saıty.
Amerıka kóshbasshysy Reseıge qarsy sanksıalyq zańdy qoldaný múmkindigi týraly Birikken Ulttar Uıymy Bas Assambleıasynyń trıbýnasynan málimdedi.
«Ótken aptada senator Lındsı Gremniń qurmetine Kongres qabyldaǵan qýatty jańa zańǵa qol qoıdym. Bul zań maǵan zor jańa tarıftik ókilettikter beredi. Qajet bolsa, men olardy paıdalanýǵa týra keledi», — dedi ol.
Aıta keteıik, «tozaq sanksıalary» týraly zań jobasyna Tramp 19 qyrkúıekke qaraǵan túni qol qoıdy. Qujat Reseıge, sondaı-aq onyń energoresýrstaryn iri kólemde satyp alýshylarǵa qarsy sanksıalar men bajdardy kózdeıdi.
Ol reseılik munaı men gazdy satyp alatyn elderge qarsy qaıtalama saýda sharalaryn usynady: AQSH-qa ákelinetin reseılik taýarlarǵa 500%-ǵa deıingi baj, al reseılik munaı nemese gaz satyp alatyn elderdiń taýarlaryna 100%-ǵa deıingi baj.
Eske salaıyq, buǵan deıin Reseı Federasıasy Prezıdentiniń baspasóz hatshysy Dmıtrı Peskov AQSH-tyń Reseıge qarsy sanksıalar týraly zań jobasyn dostyqqa jatpaıtyn qadam dep atap, olardyń engizilýi Ýkraınada beıbit retteý joldaryn izdeý kúsh-jigerin qıyndatýy múmkin ekenin málimdedi.