Amerıka Qurama Shtattarynyń Prezıdenti Donald Tramp Reseı men Ýkraına arasyndaǵy «maǵynasyz» soǵystan búkil álem zardap shegip jatqanyn jáne ony toqtatý qajettigin málimdedi, dep habarlaıdy infohub.kz saıty.
Donald Tramp Reseı men Ýkraına arasyndaǵy qaqtyǵys týraly óziniń Truth Social áleýmettik jelisinde pikir bildirdi.
«Ókinishke qaraı, Reseı Ýkraınamen soǵys saldarynan dızel ónerkásibinen aıyryldy. Dızel otynyn óndiretin kóptegen zaýyt jarylyp, keminde ýaqytsha isten shyqty», — dep jazdy Amerıka kóshbasshysy.
Aq úı basshysy soǵysty «maǵynasyz» jáne «sheksiz» dep atady.
«Ýkraınamen soǵys toqtatylýy tıis. Aı saıyn 25 myń adam, negizinen áskerı qyzmetshiler qaza taýyp jatqanda, búkil álem zardap shegýde. Qandaı uıat!» — dep túıindedi Tramp.
Eske salaıyq, ótken demalys kúnderi Máskeý meri Sergeı Sobánın ýkraın áskerıleri reseı astanasyna eń aýqymdy shabýyl jasaǵanyn, sonyń ishinde Kapotnádaǵy munaı óńdeý zaýyty zaqymdanǵanyn málimdedi. Osydan keıin BAQ Donald Tramp Zelenskıden Reseıdegi munaı óńdeý zaýyttaryna shabýyldardy toqtatýdy taǵy da talap etkenin jazdy.