AQSh prezıdenti Donald Tramp Saýd Arabıasymen 30 jylǵa eseptelgen ıadrolyq kelisimdi maquldady. Kelisimniń quny ondaǵan mıllıard dollarǵa baǵalanýda, dep habarlaıdy infohub.kz saıty.
The Wall Street Journal basylymy Tramp ákimshiligindegi derekkózderge silteme jasap, Aq úı basshysy patshalyqta azamattyq ıadrolyq baǵdarlamany damytýdy kózdeıtin mańyzdy kelisimge jasyl sham jaqqanyn habarlaıdy. Qujat Saýd Arabıasy aýmaǵynda ýrandy baıytýǵa jol ashýy múmkin.
"Prezıdent Tramp Saýd Arabıasymen mańyzdy kelisimdi resmı túrde maquldady, bul elge azamattyq ıadrolyq baǵdarlamany qamtamasyz etip, patshalyq aýmaǵynda ýrandy baıytýǵa esik ashýy múmkin", — dep basylym prezıdenttiń aınalasyndaǵy sheneýnikterden dáıeksóz keltiredi.
Kelisim aıasynda eger eki jaq ta Saýd Arabıasynda ýran baıytý qondyrǵylaryn salýdy qajet dep tapsa, amerıkandyq kompanıalar bul jumystardy oryndaýǵa mindetti bolady. Sonymen qatar basylym derekkózderi mundaı kelisimde AQSh úshin qaýipsizdik kepildikteriniń joqtyǵyna alańdaýshylyq bildiredi.