AQSh prezıdenti Donald Tramp Qytaı tóraǵasy Sı Szınpınmen kezdesýinde qytaı kóshbasshysynan amerıkalyq qarý-jaraq satyp alǵysy kele me dep suraǵan. Bul týraly AQSH-tyń Qytaıdaǵy elshisi Devıd Perdú Fox News telearnasyna bergen suhbatynyń aýdarmasyna silteme jasap aıtty, dep habarlaıdy infohub.kz saıty.
Perdúdiń aıtýynsha, bul jaıt Aq úıdiń Taıvanǵa qarý-jaraq jetkizýine baılanysty Pekınniń alańdaýshylyǵy aıasynda oryn alǵan.
«Prezıdent Tramp: "Qarańyzdar, biz álemniń basqa da elderine qarý satamyz" dep aıta beredi. Bir sátte ol tipti tóraǵa Sıden birdeńe satyp alǵysy kele me dep surady», — dep keltiredi elshiniń sózin DW.
Perdúdiń suhbatynan keıin kóp uzamaı AQSh prezıdentiniń ákimshiligi Vashıngtonnyń Qytaıǵa qarý satý jospary joq ekenin málimdedi, al Memlekettik departament mundaı jetkizilimderge zańmen tyıym salynǵanyn atap ótti.
Taıvan — ishinara moıyndalǵan demokratıalyq memleket. Qytaı bıligi ony QHR-dyń bóligi dep sanap, araldy tolyq baǵyndyrýǵa umtylady, qajet bolsa áskerı kúsh qoldanýǵa da daıyn. Sonymen qatar AQSh zańnamasy Aq úıdi Taıvanǵa qorǵanys úshin qajetti qarý jetkizýge mindetteıdi.