Amerıka Qurama Shtattary men Qytaı Halyq Respýblıkasy arasyndaǵy qatynastar tarıhtaǵy eń joǵary deńgeıge jetti. Bul týraly AQSh prezıdenti Donald Tramp QHR tóraǵasy Sı Szınpınmen kelissózder qorytyndysy boıynsha málimdedi, dep habarlaıdy infohub.kz saıty.
Aq úı basshysynyń aıtýynsha, eki memlekettiń saıası júıeleri ózgeshe bolǵanyna qaramastan, onyń ekinshi prezıdenttik merziminde Vashıngton men Pekın arasyndaǵy baılanys buryn-sońdy bolmaǵan deńgeıde nyǵaıǵan.
«Sı Szınpın myrza ekeýmiz de túrli júıelerdi usynatynymyzdy túsinemiz. Biraq halyqtarymyzdyń arasyndaǵy baılanys berik, biz buryn-sońdy munshalyqty jaqsy til tabyspaǵanbyz», — dep keltiredi Tramptyń sózin RIA Novostı.
Óz kezeginde Qytaı Halyq Respýblıkasynyń tóraǵasy Sı Szınpın amerıkandyq kóshbasshymen kelissózderdi shynaıy ári tereń dep sıpattap, taraptar kóptegen másele boıynsha ózara túsinistikke qol jetkizgenin atap ótti.
«Búgin men prezıdent Donald Tramppen ashyq ári tereń pikir almastym, onyń barysynda kóptegen jańa ortaq túsinikke qol jetkizdik, Qytaı men AQSh arasyndaǵy syndarly ári turaqty strategıalyq qatynastardyń mazmunyn baıyttyq jáne qatynastarǵa jańa strategıalyq baǵdar berdik», — dedi ol.