Amerıka Qurama Shtattarynyń Prezıdenti Donald Tramp Qytaı Halyq Respýblıkasynyń tóraǵasy Sı Szınpındi ushaq trapynyń janynda ózi qarsy aldy — qytaı kóshbasshysy AQSH-qa memlekettik saparmen keldi, dep habarlaıdy infohub.kz saıty.
«Sınhýa» agenttiginiń málimetinshe, Sı Szınpınniń ushaǵy Endrús bazasyna qondy. Qarsy alý rásimine AQSH-tyń birinshi hanymy Melanıa Tramp ta qatysty.
Aıtýlarynsha, qarsy alý rásimi artılerıalyq salút pen eki eldiń memlekettik ánurandarynyń oryndalýyn qamtydy.
RIA Novostı agenttiginiń habarlaýynsha, Tramp jubaıymen birge ushý-qoný jolaǵyna barlyq daıyndyq aıaqtalǵan kezde keldi. Traptyń janyna qyzyl kilem tóselip, onyń eki jaǵyna amerıkandyq áskerıler men qytaı delegasıasynyń músheleri tizilip turdy.
AQSh Prezıdenti QHR tóraǵasynyń shyǵýyn kútip, olarmen birneshe mınýt sóılesti. Sı Szınpın Qytaıdyń birinshi hanymy Pen Lıýannyń qolynan ustap ushaqtan shyqty. Traptyń janyndaǵy kóshbasshylardyń qol alysýy uzaqqa sozylmady, alaıda olar ushaqtyń janynda birneshe mınýt turyp, áldeneni áńgimelesti. Osy kezde olarǵa ul bala men qyz bala kelip, árqaısysyna bir-bir gúl shoǵyn tabys etti.
Qarsy alý rásiminiń sońynda delegasıa ústinen bombardırovshık ushyp ótti.