AQSh prezıdenti Donald Tramp Ýkraınaǵa Patriot zenıttik zymyrandaryn óndirýge lısenzıa berýge senimdi emes — bul týraly ol Financial Times-ke bergen suhbatynda málimdedi, dep habarlaıdy infohub.kz.
Aq úı basshysy ázirge AQSH-tyń Ýkraınaǵa osy zymyrandardy óndirýge lısenzıa beretinine senimdi emes ekenin atap ótti. Degenmen, bul másele qarastyrylatynyn ýáde etti Tramp. «Bul óte erekshe qarý, jáne... biz kimge lısenzıa beretinimizge abaı bolýymyz kerek. Biz, jalpy, mundaı tehnıkaǵa lısenzıany taratpaımyz», — dedi amerıkandyq prezıdent.
Basylym sondaı-aq Ýkraınanyń AQSH-taǵy elshisi Olga Stefanıshınanyń aıtýynsha, Vladımır Zelenskı Donald Tramptan Kıevke áýe qorǵanysy júıelerine arnalǵan zymyrandardy jetkizý boıynsha naqty mindetteme ala almaǵanyn jazady.
Buǵan deıin Zelenskı men Tramp Aq úıde kelissóz júrgizdi. «Biz prezıdentpen Patriot keshenderine arnalǵan ustaǵysh zymyrandardy óndirýge lısenzıalar jáne kómektesýi múmkin basqa da ıdeıalardy talqyladyq», — dedi Zelenskı sóıleskennen keıin. AQSH-ta Tramppen kezdesý aldynda ýkraındyq kóshbasshy kelissózderdiń basty basymdyǵy balıstıkalyq zymyrandardan qorǵaý bolatynyn málimdegen bolatyn.